པདྨ་ལས་འཕྲོ། འཛིན་གྲྭ་ལྔ་པ།
རྡོར་གླིང་སཾ་བྷོ་ཊ་གཏན་སློབ།
ང་ནི་རྡོར་གླིང་སཾ་བྷོ་ཊའི་གཏན་སློབ་ཀྱི་འཛིན་གྲྭ་ལྔ་པའི་སློབ་མ་ཞིག་ཡིན། ངས་ང་རང་གི་སློབ་གྲྭའི་ནང་གི་སློབ་ཕྲུག་དང་འབྲེལ་བའི་དངོས་བྱུང་གི་སྒྲུང་ཞིག་འབྲི་རྒྱུ་ཡིན། ངེད་ཚོའི་སློབ་གྲྭ་ལ་སྒྲོལ་མ་ཟེར་བའི་སློབ་ཕྲུག་སྤྱོད་པ་ཡག་པོ་ཡོད་པ་ཞིག་དང་སྟོབས་ཆེན་ཟེར་བའི་སློབ་ཕྲུག་སྤྱོད་པ་ཅུང་ཙམ་མ་རབས་ཅན་ཞིག་བཅས་སློབ་ཕྲུག་མང་པོ་ཡོད། སྒྲོལ་མ་དང་སྟོབས་ཆེན་གཉིས་ནི་ང་རང་དང་འཛིན་གྲྭ་གཅིག་པ་ཡིན་པས་རྒྱུན་དུ་ཁོང་གཉིས་ཀྱི་སྤྱོད་པ་གང་འདྲ་ཡོད་མེད་དང་སློབ་སྦྱོང་གང་འདྲ་བྱེད་ཀྱི་ཡོད་མེད་སོགས་ངས་གསལ་པོ་ཤེས་ཀྱི་ཡོད། སྟོབས་ཆེན་དང་ངེད་གཉིས་ནི་ཉལ་ཁང་ཡང་གཅིག་པ་རེད། སྒྲོལ་མ་ལགས་ནི་སེམས་པ་བཟང་བས་ང་ཚོ་ཚང་མ་ཡིས་མོ་ལ་འཆམ་པོ་བྱེད་པ་དང་མཉམ་རོགས་བྱེད་ཀྱི་ཡོད།
ཉིན་ཞིག་སྟོབས་ཆེན་གྱིས་སྒྲོལ་མ་དང་ང་ཚོ་འཆམ་པོ་ཡོད་པའི་སྐད་ཆ་དེ་གོ་བ་དང་། སྟོབས་ཆེན་གྱིས་ང་ཚོའི་འགྲམ་དུ་སྐྱེས་པའི་ཤིང་སྡོང་དེ་བཅག་སོང་། བསྟན་འཛིན་གྱིས་ཤིང་སྡོང་དེ་བཅག་གི་ཡོད་པ་མཐོང་བ་དང་སྟོབས་ཆེན་ལ་དེ་འདྲ་མ་བྱེད་མཚམས་ཞོག་ལབ་པ་དང་། སྐད་ཆ་དེར་ཉན་འཇོག་མེད་པར་སྟོབས་ཆེན་གྱིས་ད་དུང་འཚུབ་པོ་བྱས་ནས་བསྟན་འཛིན་ལ་གཞུས་སོང་། དེ་ནས་ང་རང་གིས་དེ་དག་མཐོང་བ་དང་སྒྲོལ་མ་ལ་ལབ་ཏུ་ཕྱིན་པ་ཡིན། སྒྲོལ་མ་ཡང་མགྱོགས་པོ་བྱས་ཏེ་སླེབས་སོང་། སྒྲོལ་མ་དང་ངའི་གྲོགས་པོ་ང་ཚོ་ཚང་མ་ཡིས་བསྟན་འཛིན་ལ་རོགས་པ་བྱས་པ་ཡིན། དེ་དུས་སྟོབས་ཆེན་གྱི་སེམས་ལ་ཞེད་སྣང་ཏོག་ཙམ་སྐྱེས་ནས་བསྟན་འཛིན་ཀྱི་ལག་པས་གློད་གནང་སོང་། དེ་ནས་བཟུང་སྟེ་སྟོབས་ཆེན་ང་ཚོ་དང་འཆམ་པོ་ཆགས་པ་ལ་འགོ་བཙུགས་པ་རེད། རྗེས་མ་ནས་སྟོབས་ཆེན་ལ་རྔན་པ་ཡོད་ན་ང་ཚོ་ལ་སྤྲད་ཀྱི་འདུག
ང་ཚོས་ཀྱང་སྟོབས་ཆེན་ལ་སྤྲད་ཀྱི་ཡོད། དེ་ནས་ག་ལེར་ག་ལེར་སྒྲོལ་མ་དང་སྟོབས་ཆེན་ང་ཚོ་ཚང་མ་འཆམ་པོ་ཆགས་སོང་། ང་ཚོ་འཆམ་པོ་ཆགས་རྗེས་སུ་སྟོབས་ཆེན་གྱི་སེམས་པ་ལ་འགྱུར་བ་ཕྱིན་ཏེ་སྤྱོད་པ་བཟང་པོ་ཅན་ཞིག་ཆགས་སོང་། ང་ཚོ་ཡང་སྟོབས་ཆེན་དང་མཉམ་དུ་སེམས་པ་དགའ་བཞིན་རྩེད་མོ་རྩེ་ཡི་ཡོད། སྟོབས་ཆེན་ཡང་དགའ་ནས་གད་མོ་དགོད་ཞོར་རྩེད་མོ་ལ་ཡོང་གི་རེད། ང་ཚོས་ནམ་རྒྱུན་རྩེད་མོ་ཕལ་ཆེ་བ་དེ་རྐང་རྩེད་སྤོ་ལོ་རྩེ་ཡི་ཡོད། སྒྲོལ་མ་དང་ང་ཚོས་ཚོགས་ཐེངས་ཚོགས་དུས་མཉམ་དུ་ཡི་གེ་སྦྱོང་གི་ཡོད། སྟོབས་ཆེན་གྱིས་ཀྱང་མཉམ་དུ་ཡོང་སྟེ་སྦྱོང་གི་རེད། ཉིན་ཞིག་ཡང་སྟོབས་ཆེན་ཟེར་བའི་སློབ་མ་གསར་པ་ཞིག་སླེབས་སོང་།
དེ་ནས་བཟུང་སྟེ་ང་ཚོས་སྟོབས་ཆེན་རྙིང་པ་ལ་སྟོབས་ཆེན་ཀ་དང་གསར་པ་ལ་སྟོབས་ཆེན་ཁ་ཟེར་ནས་འབོད་ཀྱི་ཡོད། ཉི་མ་ཁ་ཤས་ཀྱི་རྗེས་སུ་སྟོབས་ཆེན་གཉིས་ཀ་ང་ཚོ་དང་འཆམ་པོ་ཆགས་སོང་། ཁོང་གཉིས་ང་ཚོ་དང་འཆམ་པོ་ཆགས་དུས་ང་ཚོ་ཡང་སེམས་པ་དགའ་སོང་། བར་མཚམས་ཤིག་ནས་སློབ་གྲྭ་ལ་ལག་རྩེད་སྤོ་ལོ་ཡི་རྩེད་མོའི་འགྲན་བསྡུར་ཞིག་གནང་རྒྱུ་ཡིན་པ་གོ་སོང་། ངས་སྐད་ཆ་དེ་གོ་བ་དང་སྟོབས་ཆེན་ཀ་པ་ལ་དེ་ལྟར་ལབ་པ་ཡིན། སྒྲོལ་མ་ཡིས་སྟོབས་ཆེན་ཀ་པ་ཁྱེད་རང་གིས་རྩེད་མོ་དེ་རྩེས་ན་ཡག་པོ་ཡོད་རེད་ཟེར་ནས་བསླབ་བྱ་མང་པོ་གནང་སོང་། སྟོབས་ཆེན་ཀ་པ་ཡང་སེམས་པ་དགའ་ཐག་ཆོད་ནས་ཁོས་ལག་རྩེད་སྤོ་ལོའི་རྩེད་མོ་དེ་རྩེ་དགོས་ལབ་སོང་། ང་རང་གིས་ཀྱང་ཁོང་གིས་རྩེད་མོ་དེ་རྩེས་ན་ཡག་པོ་འདུག་དྲན་སོང་། གང་ཡིན་ཟེར་ན། སྟོབས་ཆེན་ཀ་པ་ལགས་ནི་ཤ་ཏོག་ཙམ་རྒྱགས་པ་ཡིན་པས་རྩེད་མོ་དེ་རྩེས་ན་གཟུགས་པོ་ལ་འཕྲོད་བསྟེན་ཡོང་གི་རེད་བསམས་བྱུང་། དེའི་སང་ཉིན་དེར་སྟོབས་ཆེན་ཀ་པ་ཡིས་ལག་རྩེད་སྤོ་ལོ་རྩེས་བ་མ་ཟད་ཁོང་ལ་རྩེད་མོ་དེའི་ནང་ནས་རྔན་པ་ཞིག་ཀྱང་ཐོབ་སོང་། སྐབས་དེར་ང་རང་གིས་སྐད་ཅོར་ཆེན་པོ་བརྒྱབ་ནས་སྟོབས་ཆེན་ཀ་པ་ལ་དགའ་བསུ་ཡི་བཀྲ་ཤིས་བདེ་ལེགས་ཞུས་པ་ཡིན།
དེ་ནས་སྟོབས་ཆེན་ཀ་པ་ཡིས་ལག་པ་ལ་རྔན་པ་མང་ཙམ་ཞིག་ཁྱེར་ནས་ཡོང་སྟེ་ང་རང་ལ་ཏོག་ཙམ་སྤྲད་པ་དང་ཁོ་རང་གིས་ཀྱང་བཟས་སོང་། རྔན་པ་ལྷག་མ་དེ་དག་སྒྲོལ་མ་དང་ཁོང་ཚོ་ལ་སྤྲོད་རྒྱུ་ཡིན་ཟེར་ནས་ཚགས་བྱས་སོང་། དེ་ནས་ངེད་གཉིས་སྐྱིད་པོའི་ངང་ནས་ནང་ལ་ལོག་པ་ཡིན། ཡང་བསྐྱར་ཉིན་ཞིག་སྟོབས་ཆེན་དང་སྒྲོལ་མ་ང་ཚོ་ཚང་མ་རྐང་རྩེད་སྤོ་ལོ་རྩེ་རུ་ཕྱིན་པ་ཡིན། ང་ཚོས་རྐང་རྩེད་སྤོ་ལོའི་རྩེད་མོ་དེ་རྩེས་ཚར་ཏེ་ཡོང་བའི་ལམ་བར་དུ་ཨ་ནེ་ལགས་ཤིག་གིས་ང་ཚོ་ལ་སྒོར་ལྔ་བཅུ་ཐམ་པ་གནང་སོང་། སྒྲོལ་མ་དང་། སྟོབས་ཆེན་ཀ་པ་སོགས། ངེད་འཛིན་གྲོགས་ཚོ་ཚང་མ་སེམས་པ་དགའ་ནས་ཚོང་ཁང་ལ་སོང་སྟེ་སྒོར་མོ་བཅུ་ཡིས་འགྱིག་བྱི་རིལ་རེ་ཉོས་ནས་ཕྱིན་པ་ཡིན།
ད་བར་དཔྱད་མཆན་མེད།