སྲིད་པའི་འབྱོར་བ་ལ་ཁའི་ན་བུན། །འདུས་པའི་གཉེན་གྲོགས་ཚོང་འདུས་མགྲོན་པོ། །མ་ངེས་སྐྱིད་སྡུག་མདང་གི་རྨི་ལམ། །བསམ་ཞིང་བསམ་ན་སྙིང་པོ་མི་འདུག །རྒྱུས་མེད་གཤིན་རྗེའི་ཕོ་ཉས་ཁྲིད་ནས། །ཕྱི་མའི་འཕྲང་རིང་འགྲིམ་པའི་གྲོགས་ལ། །

བདག་ནི་ལྷ་ཡུལ་ལྟ་བུའི་རྒྱལ་ས་ན་གནས་ཀྱང། །
ཕ་ཡུལ་དྲན་པའི་འདུན་པ་འགོག་ཐབས་རང་མི་འདུག །
མཛེས་སྡུག་ལྡན་པའི་ཕ་ཡུལ་རྩྭ་ཐང་དེ་དྲན་དུས། །
བདག་གི་སེམས་འདི་རྟ་ཕོ་གཤོག་ཐོགས་དང་འདྲ་བྱུང། །

ངའི་ཕ་ཡུལ་གྱི་ལྟག་ཀ་ན་རི་བོ་ཞིག་ཡོད་པ་དེར་ལྗོན་ཤིང་སྟུག་པོར་བཀོད་ཅིང༌། འདབ་ཆགས་དང་རི་དྭགས་ཀྱང་མང་པོ་གནས་པས། དངོས་གནས་གཅེས་སུ་རུང་བའི་ས་ཆ་ཞིག་རེད། བདག་ནི་རྒྱུན་པར་ས་དེར་ཁམས་བསང་དུ་འགྲོ་བའི་གོམས་གཤིས་ཤིག་ཆགས་ཡོད།

ངའི་བསམ་པའི་བརྩེ་དུང་གི་རྩིག་ལྡེབས་ངོས་སུ་ལྷམ་མེར་བཀྲ་བའི་དྲན་འཛིན་གྱི་རི་མོ་སྟེ།     ལོ་ཟླའི་རླུང་འཚུབ་ཀྱིས་བསུབ་མི་ཐུབ་ཅིང། དུས་ཀྱི་ཆར་ཆུ་ཡིས་འཇིག་མི་ནུས་པ་ནི་ང་ཚོའི་སྡེ་འདབས་ཀྱི་རྐང་ལམ་ཕྲ་མོ་དེ་རེད། རྒྱུ་མཚན་ནི།

བདག་ནི་སེམས་ཅན་ཐམས་ཅད་ལ། །ཡིད་བཞིན་ནོར་བུ་ལས་ལྷག་པའི། །
དོན་མཆོག་སྒྲུབ་པའི་བསམ་པ་ཡིས། །རྟག་ཏུ་གཅེས་པར་འཛིནཔར་ཤོག །

སྤྱིར་འཛམ་གླིང་ནང་གི་སྐད་ཡིག་ཡོད་ཚད་ཀྱིས་སྐྱེ་བོར་ཕན་ནུས་ལྡན་པའི་ལེགས་བྱང་དུ་མ་ཆད་ལྷག་མེད་པར་ཉར་ཚགས་བྱེད། སྐད་ཡིག་ཅི་འདྲ་ཞིག་ཡིན་རུང་དེ་ཉིད་མེད་པར་ཆགས་པ་ནི་འཛམ་གླིང་སྤྱི་ལ་གྱོང་གུན་གསབ་ཐབས་བྲལ་བ་ཞིག་ཡིན་པས། སྐད་ཡིག་ལ་དོ་སྣང་སྤྲོད་རྒྱུ་མིའི་རིགས་ཀྱི་ལས་དོན་གཙོ་ཆེ་ཤོས་སུ་འཛིན་དགོས།