ཚིག་ཕྲད། དང་པོ། ཕྲད་གཞན་དབང་ཅན་རྣམ་དབྱེ་དང་བཅས་པ་བརྒྱད་བཤད་པ། ༡༽ སླར་བསྡུ། རྩ་ཚིག གོ་ངོ་དོ་ནོ་བོ་མོ་འོ། ། རོ་ལོ་སོ་ཏོ་སླར་བསྡུ་ཏེ། ། རྫོགས་ཚིག་ཟླ་སྡུད་ཅེས་ཀྱང་བྱ། ། དྲག་ཡོད་ཏོ་དང་མཐའ་མེད་འོ། ། གཞན་རྣམས་མིང་མཐའི་རྗེས་མཐུན་སྦྱར། ། གོ་དོན། ༡། སྐབས་བབ་ཀྱི་བརྗོད་བྱའི་དོན་དེ་ཙམ་གྱི་རེ་ཞིག་མཇུག་བསྡུ་བར་སྟོན་པའི་ཕྲད་ལ་སླར་བསྡུ་ཟེར། ༢། བཤད་རྒྱུའི་དོན་དེ་ཙམ་གྱིས་རྫོགས་པར་སྟོན་པས་རྫོགས་ཚིག་ཟེར།

རྣམ་དབྱེ་དང་པོ། ཆོས་གཞན་དང་མ་འདྲེས་པར་རང་གི་ངོ་བོ་ཙམ་གཙོ་བོར་སྟོན་པ་ལས་ཁྱད་པར་མི་སྟོན་པའི་མིང་ཞིག་ལ་རྣམ་དབྱེ་དང་པོ་ངོ་བོ་ཙམ་སྟོན་པ་ཟེར། རྣམ་དབྱེ་དང་པོའི་དཔེར་བརྗོད་ལ་མིང་ཐམས་ཅད་འཇོག་ཏུ་རུང། དཔེར་ན། བཀྲ་ཤིས། སློབ་གྲྭ། དགེ་རྒན། ཤོག་བུ། སྐར་མ་སོགས་ལྟ་བུའོ།   རྣམ་དབྱེ་གཉིས་པ། བྱ་བའི་ཡུལ་ལ་བྱ་བ་བྱེད་པ་གཙོ་བོར་སྟོན་པའི་ལ་དོན་གྱི་ཕྲད་དང་ལྡན་པ་ཞིག་

ཚིག་སྦྱོར་དུ་བརྗོད་གཞི་དང་འབྲེལ་བའི་ཁྱད་ཆོས་ཀྱི་ཞིབ་ཆ་ཇི་ལྟར་ཡིན་པ་ཉེ་བར་མཚོན་ཐུབ་ཀྱང་རང་སྒྲ་ཡན་གར་བ་ཙམ་གྱིས་དོན་གྱི་ངོ་བོ་ཙམ་སྟོན་མི་སྲིད། དེ་བོད་ཀྱི་ཁྱད་ཆོས་མཆོག་ཏུ་གྱུར་པ་ཞིག་ཡིན། ཚིག་སྦྱོར་དུ་ནུས་པ་ཐུན་མོང་མ་ཡིན་པ་ཞིག་ཐོན་པས། རྩོམ་དང་ཁ་སྐད་དུ་འཇུག་པ་ཧ་ཅང་མང་། ཉམས་མཚོན་པའི་སྒྲ་ཡི་སྦྱོར་བ། དང་པོ། སྒྲ་རིགས་འདྲ་གཉིས་མཉམ་དུ་སྦྱར་བ། གུལ་གུལ། ཁྱུག་ཁྱུག ལྕིག་ལྕིག

དོན་གང་ཞིག་གི་ཡོན་ཏན་ནམ་སྐྱོན་དང་། ཚད་སོགས་སྟོན་པར་བྱེད་པའི་ཚིག་ལ་ཁྱད་ཆོས་བརྗོད་པའི་སྒྲ་ཟེར་ཞིང་། ངོ་བོ་དང་ཁྱད་པར་གཉིས་སུ་ཕྱེ་བའི་ཁྱད་པར་དེ་ཡིན། དཔེར་ན། ༡། དྲང་བ། གུག་པ། འཁྱོག་པ་སོགས་ཀྱི་དབྱིབས་སྟོན་པ། ༢། དཀར་བ། གསལ་བ། མུན་ནག་སོགས་ཀྱི་ཁ་དོག་སྟོན་པ། ༣། མངར་བ། ཁ་བ། བསྐ་བ་སོགས་ཀྱི་རོ་སྟོན་པ། ༤། ཞིམ་པ། དམེ་བ་སོགས་ཀྱི་དྲི་སྟོན་པ།