བསོད་ནམས་བསྟན་འཛིན། ། ཅོན་ཏཱ་ར་བོད་ཁྱིམ འཛིན་གྲྭ་བརྒྱད་པ། གསེར་ཉ། འཇིག་རྟེན་འདིར་སྐྱེད་མའི་མངལ་ནས་སྐྱེས་ཏེ་མི་ལོ་བཅོ་ལྔ་འཚམས་དུས་ཡུན་རིང་འགོར་སོང་། དེ་འདྲ་ཕ་མའི་ཞལ་རས་ནི་འཇིག་རྟེན་ཆུང་ངུ་ཡི་གྲུབ་ཆ་གཙོ་བོ་ཞིག་ཏུ་འགྱུར་ཡོད་པས་དང་། བྱིས་དུས་ཀྱི་ང་རང་གཉོམ་ལག་མ་སྐྱེས་པའི་སྐབས་སུ། འགྲོ་འདུག་སྡོད་གསུམ་གྱི་ཆ་ལུགས་ལ་དྲིན་ཆེན་ཕ་མའི་ཐུགས་བྱམས་པོས་ངང་ནས་གཉེར་སྐྱོང་གནང་སོང་ལ་ལག་འཇམ་པོས་བྱམས་པོ་གནང་པ་དང་དེ་བདག་གི་དྲན་པ་བརྗེད་ཀྱི་མི་འདུག ། ངེད་ཚང་གི་ཕ་མ་རྣམ་པ་གཉིས་ནི་ཕྱོགས་གང་ཐད་ནས་བཟང་མོད། འོན་ཀྱང་མི་བཟང་གཅིག་ཡོད་པ་ནི་ཨ་ཕ་ནི་ཆུངའཐུང་རྒྱུ་ལ་དགའ། ཁོང་གི་ཆང་བཏུང་ནས་མིག་ཟུང་གཉིས་དམར་པོར་བསྒྱུར་པས། ཨ་མས་ཚིག་པ་ཟ་བའི་སྒོ་ནས་ཨ་ཕ་ལ་བཀའ་བཀྱོན་གཏོང་གི་ཡོད་རེད། ཨ་མ་ནི་དུས་རྒྱུན་དུ་ནང་ལ་ཁ་ལག་བཟོ་བ་དང་དེ་མིན་ནང་གི་ལས་ཀ་རྣམས་ནན་ནན་ཏིག་ཏིག་སྒོ་ནས་བྱེད་ཀྱི་ཡོད་པ་དང་བསིལ་ཏོག་གི་སྡོང་པོ་ཞིག་ཡོད་པ་དེ་ཨ་མས་གཅེས་སྤྲས་བྱས་པ་སོགས་གཞན་ལས་བཟང་། མཐོ་སྒོང་ས་མཐོ་བ་དང་ཤིང་ནགས་སྟུག་པོ་འདི་ནང་ཁྱིམ་ཆུང་ངུ་ཡོད་པ་འདི་ཡི་ནང་དུ་ངེད་ཚང་གི་པཱ་ལགས་ནི་ཞོགས་པ་སྔ་པོ་ལངས་ནས་གཞུང་ལམ་བཟོ་རུ་བསྙེགས་ཀྱི་ཡོད། ། དུས་འདིར་ངེད་རང་མལ་ཁྲི་སྒང་དུ་བསྡད་ནས་གཉིར་མ་གཅིག་ཏུ་བསྡུ་བའི་རྨོ་རྨོ་ཡིས་ང་ལ་བྱམས་བརྩེ་བརྗོད་དཀའ་བའི་ཁ་པར་བརྒྱབས་ཏེ། ང་རང་སེམས་རྦ་རླབས་ལྟར་འཁྲུགས་ཏེ་མིག་ཆུ་ཐིག་པ་གདོང་ངོས་སུ་རང་དབང་མེད་པར་ལྷུང་། སྐབས་དེར་ངའི་མཐོང་ལམ་བསྒྲིབས་ནས་རྨོ་རྨོ་གསུངས་བའི་བསླབ་བྱ་སེམས་ནང་རྡོ་བརྐོས་རི་མོ་ལྟར་ཤར་བྱུང་། ། ཕྱི་ཉིན་ཞོགས་པ་འདི་ང་རང་ཁང་པའི་ནང་དུ་ཚོ་དྲོད་ཧ་ཅང་ཆེ་བས། ཕྱིར་བལྟས་པས་བདག་གི་མཛའ་མཐུན་གྱི་གྲོགས་པོ་རྣམས་ཤེས་ཡོན་སློབ་སྦྱོང་སྦྱངས་ཀྱི་ཡོད་པ་ངས་མཐོང་། ཅང་མ་འགོར་བའི་ང་རང་མཛའ་གྲོགས་ཀྱི་འགྲམ་དུ་ཕྱིན་ནས་སྐད་ཆ་བཤད་པ་ཡིན། བདག་གི་གྲོགས་པོ་ནི་ཀུན་ལ་འཆར་རྒྱུ་ཡོད་པས། ཁོས་སློབ་སྦྱོང་གི་ཐད་ལ་ནན་ཏན་དང་ཧུར་བརྩོན་བྱེད་པ་ལས་རྣམ་གཡེང་གཏན་ནས་མི་བྱེད་ཙང་། བུ་ང་རང་ནི་རྩེད་མོ་རྩེ་རྒྱུ་དགའ་ལ་ཆུང་དུས་བདག་གི་ནམ་ཡང་ཤེས་དཀའ་བའི་དོན་ཞིག་ཡོད་པ་དེ་ནི་གྲོགས་པོ་རྣམས་དབྱིན་ཇི་སྒྲུང་དེབ་ཀློག་སྐབས་ངས་ཀློག་མི་ཤེས། ངའི་པཱ་ལགས་ཀྱི་བཀའ་མོལ་གནང་བ་དང་པཱ་ལགས་ཀྱི་ངོས་ནས་དངུལ་གང་ཙམ་ཡོད་པ་རྣམས་ང་ལ་བཏང་བ་དང་ཨ་མས་བྱམས་སྐྱོང་ངང་བསླབ་བྱ་ཡག་པོ་བསྐྱོན་གནང་བ་དང་། ངེད་ངོས་ནས་སྟོབས་ཤུགས་ཡོད་རྒུ་རྩ་དྲུག་སྒོ་ནས་སློབ་སྦྱོང་ལ་འབད་པ་བྱེད་ངེས་ཡིན། ཨ་ཕ། ཨ་མ། སྤྱན་ཆབ་ཀྱི་ཐིགས་པ་རེ་རེ་ཡིས་སེམས་གཏམ་དྲོན་མ་རེ་གླེང་དུས། ངའི་སེམས་པ་རྡོ་ལས་མཁྲེགས་ལ་རེ་ལས་ལྕི། ཕ་མ་ལགས། ཁྱེད་ཀྱི་བྱམས་བརྩེ་ཐུགས་རྒྱུད་ཀྱིས་ང་རང་ལ་ཚུལ་མཐུན་གྱི་ཀུན་སྤྱོད་བསྩལ་བྱུང་ལ། ཁྱེད་ཀྱི་དོན་ལྡན་གྱི་བསླབ་བྱ་ཡིས་ང་རང་ལ་འགྱུར་མེད་ཀྱི་མི་གཞི་གནང་བྱུང་། ཁྱེད་ཀྱི་བརྩེ་དུང་དང་སྙིང་རྗེ་ཡིས་ང་རང་ལ་མ་འོངས་པའི་བདེ་སྐྱིད་གནང་བྱུང་། ང་ལ་ཤེས་བྱ་སྦྱིན་པའི་ཕ་མ། ། གུས་པ་གསོ་སྐྱོང་ནང་བའི་ཡབ་ཡུམ། ། ཁྱེད་གཉིས་ཡོད་ཚད་བློས་གཏོང་ནས། ། བུ་ངའི་མི་ཚེ་དོན་དུ་འབད། །