བྱམས་པ་བཀྲིས། ཀོ་ལེ་གྷལ་སཾ་བྷོ་ཊ་ཉིན་སློབ། བོད་དགེ་། ལོ་ཤས་རིང་སློབ་ཁྲིད་ཀྱི་ཉམས་མྱོང་ཚད་ལྡན་དུ་འགྱུར་ཐབས་སུ་འབད་འབུངས་རྣལ་མ་ཞིག་གིས་ངོ་བོ་ནས་མཆེད་པའི་བསླབ་ཐབས་དང་རྩོམ་འབྲིའི་ལམ་སྟོན་དེ་དག་གསར་གཏོད་དང་། དེང་རབས་དང་མཐུན་པའི་སློབ་ཁྲིད་ཀྱི་ཁ་ཕྱོགས་སུ་མདུན་བསྐྱོད་བྱེད་པ་ནི་ངའི་རང་གཤིས་སུ་གྱུར། ད་ལན་བསྐྱར་དུ་སློབ་ཁྲིད་ཐབས་ལམ་ཞིག་གསར་དུ་བསྣན་པ་ནི་སློབ་མ་ཚོའི་གནས་རིམ་དང་གོ་རྟོགས་ཤེས་ཚད་གཙོ་བོར་འཛིན་པའི་ཐོག་ནས་ངས་གསར་ཏུ་རྙེད་པའི་ཐབས་ལམ་ནི་(མིང་ཚིག་བརྗེ་ཚུལ་གྱི་ལམ་ནས་བརྗོད་པ་ཕུན་སུམ་ཚོགས་པ་ཡོངས་ཐབས་ཟེར་བ་འདི་ཡིན། ) འདི་ནི་སློབ་ཕྲུག་གི་འབྲི་རྩལ་ཡར་རྒྱས་དང་དཔེ་ཀློག་ཁྲོད་དུ་སྤྱད་པའི་ཐ་སྙད་ལ་རྨོངས་པ་སེལ་བའི་ཕྱིར་དུ་ཐབས་ཇུས་འདི་ལག་ལེན་དངོས་སུ་བསྟར་འགོ་བཙུགས་པ་ཡིན། ངའི་བསམ་དོན་བཞིན་གྲུབ་འབྲས་ཀྱང་མི་ཉུང་བ་ཞིག་ཉིན་རེ་ནས་ཉིན་རེ་བཞིན་ཐོན་པ་ནི་ངའི་ངོས་ནས་བཤད་ན་དགའ་འོས་པའི་གནས་སྟངས་དང་སྤོབས་སེམས་སྒྲེང་པའི་དར་ཆེན་ཞིག་དང་འདྲ། དེ་བས་དགའ་ཚོར་སྐྱེས་འོས་པ་ནི་བརླག་ལ་ཉེ་བའི་སློབ་ཁང་ཆུང་ཆུང་ཞིག་གིས་བོད་གངས་ཅན་གྱི་རིག་གཞུང་དང་སྐད་ཡིག་ཉམས་གསོ་གང་ཐུབ་བྱུང་སོང་བསམ་པའི་བློ་སྟོབས་དང་༸མགོན་པོ་གང་གི་ཐུགས་རེ་བཞིན་སྒྲུབ་བཞིན་པའི་ཚོར་སྣང་འདི་ནི་ངས་ཀྱང་འགྲེལ་དུ་དཀའ་བའི་བདེ་སྐྱེིད་ཅིག་རེད། བདག་གི་སློབ་ཁྲིད་ཀྱི་བརྒྱུད་རིམ་ཁྲོད་ནས་གསར་ཏུ་རྙེད་པ་ནི་ཐབས་ལམ་ཙམ་རེད། གལ་ཏེ་ང་ལ་ཡིད་ཆེས་དང་བློ་གཏད་བྱེད་མཁན་གྱི་སློབ་ཆུང་འདི་དག་མེད་ན་ང་ལ་འཇོན་ཐང་དང་ཤེས་ཚད་ཇི་ཙམ་ཡོད་ཀྱང་ཁྱེད་རྣམས་ཀྱི་མདུན་ཅོག་ཏུ་སྤུངས་དཀའ་བ་ཞིག་རེད། ད་ལན་ངས་ཡག་བྱུང་དང་བཀའ་དྲིན་ཆེ་ཞེས་ཞུ་སྙིང་འདོད་བྱུང་། མ་ཟད་ཐབས་ལམ་འདི་ཙམ་མིན་པར་ཕྱོགས་ཡོངས་ནས་གསར་གཏོད་ཀྱི་རྣམ་པ་མང་པོ་ཞིག་བྱུང་ཡོད་པ་ནི་གུས་པར་མཚོན་ན་ལེགས་སྐྱེས་ཤིག་དང་ཁྱེད་རྣམ་པར་མཚོན་ནའང་གསར་ཤེས་ཀྱི་ཡོན་ཏན་མཆོག་ཏུ་གྱུར་བ་ཞིག་རེད། འོ་ཡ་ད་ངས་མང་པོ་མི་བཤད། ངས་འདི་ན་འབྲི་འདོད་པ་ནི་ཐབས་བྱུས་གཙོ་འཛིན་བྱས་པའི་ཐོག་སློབ་མའི་གནས་ཚད་ཡར་རྒྱས་གོང་མཐོར་གཏོང་ཐབས་ཤིག་རེད། རེ་མདུན་དང་སྐྱབས་འཇུག་ཞུ་འོས་པ་ནི་བླང་དོར་གྱི་གནས་ལ་མ་འཁྲུལ་པའི་གཟུར་གནས་ཀྱི་མཁས་པ་ཚོ་དང་། བློ་རིག་བཀྲ་བའི་དགེ་རྒན་རྣམ་པའི་ལེགས་ཉེས་ཀྱི་མིག་རྒྱང་རིང་དུ་བསྲིངས་ནས་ཁྱེད་རྣམ་པའི་བཀའ་སློབ་གང་ཡོད་གུས་པས་སེམས་ཁོངས་སུ་གཅེས་ཉར་གྱིས་ཕྱིན་ཆད་ལེགས་ཉེས་སྤང་བླང་གིས་ཚུལ་དུ་ཡར་ངོའི་ཟླ་བ་བཞིན་རིམ་གྱིས་གོང་འཕེལ་དུ་འགྲོ་བར་ཐེ་ཚོམ་མེད་པར་དཔང་དུ་བཙུགས། དངོས་གཞི། སློབ་ཁྲིད་ཐབས་ལམ་ངོ་སྤྲོད། དང་པོ། མིང་ཚིག་བརྗེ་རེས་བྱས་ཏེ་བརྗོད་པ་ཕུན་སུམ་ཚོགས་པ་ཡོང་ཐབས་ཀྱི་དམིགས་དོན་དང་ཁེ་ཕན་གཙོ་བོ་ནི། ༡། མིང་ཚིག་དང་བྱ་ཚིག་ཡར་རྒྱས་འགྲོ་ཐུབ་པ། ༢། རྩོམ་ཡིག་འབྲི་བའི་སྐབས་ཐ་སྙད་བསྐྱར་འབྲི་ཡང་འབྲིའི་དཀའ་ངལ་སེལ་ཐུབ་པ། ༣། རྩོམ་ཡིག་འབྲི་བའི་སྐབས་མིང་ཚིག་གདམ་བསྲེས་བྱེད་ཐུབ་པ། ༤། དཔེ་ཀློག་སྐབས་སུ་ཐ་སྙད་ལ་མི་རྨོངས་པ། ༥། འབྲི་བའི་འདུན་པ་གོང་ནས་གོང་དུ་འཕེལ་བ། ༦། འབྲི་བའི་སྤོབས་པ་རྙེད་པ་བཅས་སོ། སློབ་ཁྲིད་དངོས་གཞི་ཇི་ལྟར་སྤེལ་དགོས་ཟེར་ན། ཐོག་མར་དགེ་རྒན་ངོས་ནས་རྒྱུན་གཏན་སློབ་མ་ཚོའི་འབྲི་རྩོམ་ལ་ཞིབ་འཇུག་མཐིལ་ཕྱིན་པ་བྱེད་དགོས་པ་མ་ཟད་སྐྱོན་ཆའི་རིགས་ལ་ཐུགས་སྣང་དགོས་པ་དང་། མ་ཟད་ཟིན་བྲིས་སུ་བཀོད་དེ་བསམ་བློར་གཅེས་ཉར་བྱེད་པའི་གོམས་གཤིས་འཇགས་དགོས། ད་ལན་ངས་དོ་སྣང་བྱུང་བ་ནི་མིང་ཚིག་ཕྱུག་ཏུ་གཏོང་དགོས་པའི་ཚོར་བ་ཤུགས་ཆེ་བྱུང་། དེར་བརྟེན་སློབ་ཁྲིད་ཀྱི་ཐབས་ལམ་ཞིག་གསར་གཏོད་དགོས་པའི་བརྡ་ལན་ཞིག་ངའི་བསམ་བློར་འཆར་བྱུང་། མིང་ཚིག་བརྗེ་རེས་བྱས་ཏེ་ཚིག་སྒྲུབ་ཀྱིས་ལམ་ནས་ཐ་སྙད་གསར་པ་ངོ་སྤྲོད་བྱེད་ཐུབ་ཀྱི་ཡོད་པར་གདེངས་ཚོད་ཆེན་པོ་ཡོད་ཙང་ངས་ཐབས་ལམ་འདི་བེད་སྤྱོད་བྱས་པ་ཡིན། དཔེར་ན། • དང་པོ། ཚིག་དཀྱུས་མ་འབྲི་བ། དགོང་དག་ཁ་ལག་བཟས་ནས་འཆམ་འཆམ་ལ་སོང་། • གཉིས་པ། ཚིག་བཟང་དུ་གཏོང་བ། ཕྱི་དྲོ་ཞལ་ལག་མཆོད་ནས་སྤྲོ་འཆམ་ལ་སོང་། དགོང་དག     ཕྱི་དྲོ། ཁ་ལག        ཞལ་ལག བཟས།        […]

བོད་ཀྱི་སྐད་ཡིག་སློབ་ཚན་འཆར་འགོད་བྱེད་སྟངས། རྡོ་སྦིས་ཟླ་བ་ཚེ་རིང། དཔེ་སྟོན་སློབ་གྲྭ། འབྲིང་དགེ།   ནང་དོན་གནད་བསྡུས། སློབ་ཚན་འཆར་འགོད་ནི་དགེ་རྒན་ཞིག་ལ་མཚོན་ན་ཁོའི་ཉིན་རེའི་ལས་ཁུར་ཁྲོད་ཀྱི་སྤྱིར་མོས་ཤིག་ཡིན་ནའང། སློབ་སྦྱོང་བྱེད་མཁན་གྱི་སློབ་ཕྲུག་ཅིག་ལ་མཚོན་ན་ཁོའི་བསམ་བློར་འཕོ་འགྱུར་གཏོང་བྱེད་ཀྱི་འཕྲུལ་ཆས་ཤིག་ཡིན་པས། དགེ་རྒན་ཚོས་སློབ་ཚན་འཆར་འགོད་ཇི་ལྟར་སྣ་འཛོམས་པོ་དང་ཚགས་ཚུད་པོ་བཟོ་ཡི་ཡོད་ཚེ་རང་གཞན་ཀུན་ལ་ཁེ་ཕན་བླ་ལྷག་ཏུ་ཆེ་སྟེ། གཅིག་ནི་རང་གི་སློབ་ཚན་གང་ཡིིན་པ་དེ་ལམ་སློང་གིས་ངང་ནས་ཁྲིད་སླ་བའི་ཁེ་ཕན་ཡོད་ལ། ཅིག་ཤོས་ནི་ཁྱེད་ཀྱིས་གང་ཁྲིད་པ་དེ་སློབ་ཕྲུག་ཚོས་ཤེས་སླ་བའི་རྔོ་ཐོགས་ཡོད་པས་ན། དགེ་རྒན་ཚོས་སློབ་ཚན་འཆར་འགོད་འདི་གཙིགས་ཆེད་དུ་འཛིན་རྒྱུ་ནི་རང་གི་ལས་ཁུར་ལ་འགན་བཞེས་པའི་མཚོན་རྟགས་ཡིན། སློབ་ཚན་འཆར་འགོད་དེ་ཡང་སྣ་གཅིག་རང་མ་ཡིན་པར་ཉིན་རེ་ལས་ཉིན་རེར་འཕོ་འགྱུར་གཏང་དགོས་པའི་ལས་ཁུར་ཞིག་ཡིན་པར་འདོད་དོ། བརྡ་ཆད་གཙོ་བོ། སློབ་ཚན་འཆར་འགོད། སློབ་ཁྲིད་ཀྱི་རྩ་དོན། སློབ་ཁྲིད་ཀྱི་དམིགས་ཡུལ། ཁྲིད་ཐབས། ཆར་བར་གཡོལ་བ། དང་པོ། སློབ་ཚན་འཆར་འགོད་གྱི་སྟ་གོན་ཚགས་ཚུད་པོ་ཡོད་དགོས། ༡ ཁྲིད་བྱའི་སློབ་ཚན་གྱི་ཚིག་དོན་བྱང་དུ་ཆུབ་དགོས། ཁྲིད་བྱའི་སློབ་ཚན་གང་ཞིག་འཆར་འགོད་མ་བྱས་གོང་སློབ་ཚན་དེའི་ཚིག་དོན་གཉིས་ལ་བྱང་དུ་ཆུབ་དགོས་པ་མ་ཟད། སློབ་ཕྲུག་ཚོའི་རྒྱུད་ལ་སློབ་ཚན་གྱི་ནང་དོན་ཆ་ཚང་བ་ཞིག་འཇོག་ཐུབ་པར་འབད་བརྩོན་གནང་སྟེ་སློབ་ཕྲུག་ཚོ་རྩོམ་རིག་ལ་དང་པ་འདྲེན་པའི་ཀུན་སློང་སྐྱེད་སྲིང་བྱ་དགོས། ༢ རྒྱུ་ཆ་འཚོལ་སྒྲུབ་བྱ་དགོས། ཁྲིད་བྱའི་སློབ་ཚན་དེ་དང་འབྲེལ་གཞིར་ཆགས་པའི་དེབ་དང་དྲྭ་རྒྱ་བསྔོགས་ཞིབ་ཀྱིས་སློབ་ཚན་དེ་ཉིད་གཏིང་ཟབ་ཀྱིས་རྒྱུས་ལོན་བྱས་ཏེ་སང་ཉིན་སློབ་ཕྲུག་ཚོའི་རྒྱུད་ལ་ཀློག་དེབ་ལས་བརྒལ་བའི་ཤེས་བྱ་གསར་བ་རེའི་ས་བོན་བསྐྲུན་ཐབས་སུ་འབད་བརྩོན་གནང་དགོས། ༣ ཁྲིད་ཆས་ཀྱི་ཡོ་བྱད་གྲ་སྒྲིག་བྱ་དགོས། སློབ་ཚན་གྱི་བྱེད་སྒོ་དང་འབྲེལ་བའི་ཡོ་བྱད་གྲ་སྒྲིག་གང་ལེགས་ཀྱིས་སང་ཉིན་གྱི་སློབ་ཚན་དེ་དུས་ཚོད་ཆ་བགོས་ལྟར་འགྲོ་ཐུབ་པའི་འཆར་གཞི་སྔོན་དུ་འདིང་དགོས། གཉིས་པ། སློབ་ཚན་འཆར་འགོད་ཀྱི་དཔེ་མཚོན་འགོད་སྟངས། སློབ་ཚན་འཆར་འགོད། འཛིན་རིམ་༨                            ཚོགས་ཐེངས་༢པ།                         […]

འཛིན་གྲྭ་སྟངས་འཛིན་བྱེད་སྟངས།   བསྟན་འཛིན་མཐོ་རི། ཅོན་ཏ་ར་བོད་ཁྱིམ། བོད་དགེ བརྗོད་གཞི་བདམས་དགོས་པའི་དགོས་དམིགས་རགས་བསྡུས། འཛིན་གྲྭ་སྟངས་འཛིན་བྱེད་སྟངས་ཞེས་པ་ནི་དགེ་རྒན་གྱི་བྱེད་ལས་ནང་ནས་ཀྱང་ཆེས་དཀའ་བ་ཞིག་ཡིན་ལ་འགན་འཁུར་ཆེན་པོ་ཞིག་ཕྲག་སྟེང་དུ་ཡོད་བསྡད་པ་ཞིག་ཡིན་མོད། རང་ཉིད་དགེ་རྒན་ཞིག་ཡིན་པའི་ཆ་ནས་འཛིན་གྲྭ་སྟངས་འཛིན་བྱེད་སྟངས་དེ་ཧ་ཅང་གལ་གནད་ཆེན་པོ་ཞིག་ཏུ་མཐོང་ནས་བརྗོད་གཞི་འདི་བདམས་པ་ཞིག་ཡིན། བརྗོད་གཞི་དེ་འདེམ་དགོས་དོན་ཡང་དགེ་རྒན་བྱེ་བྲག་པ་གཅིག་ལ་མ་ཡིན་པར་དགེ་བའི་བཤེས་གཉེན་གྱི་མཚན་གནས་ཡོད་ཕྱིན་ཆད་ལ་ངེས་པར་དུ་མཁོ་བ་ཞིག་རེད་འདུག་སྙམ། མ་ཟད་སློབ་ཕྲུག་ཚོའི་སློབ་སྦྱོང་གི་གྲུབ་འབྲས་ལེགས་སོན་ཡོང་མི་ཡོང་དེ་གཙོ་བོ་འཛིན་གྲྭའི་ནང་སློབ་ཁྲིད་བྱེད་སྐབས་སུ་སློབ་མ་ཚོ་ལ་ཉན་རྩལ་ཡག་པོ་བཟོ་རྒྱུ་དེ་ཆགས་ཡོད། ཉན་རྩལ་ཡག་པོ་ཞིག་ཡོང་དང་མི་ཡོང་ནི་གཙོ་བོ་འཛིན་གྲྭ་སྟངས་འཛིན་བྱེད་སྟངས་ལ་རག་ལས་ཡོད། ༡) འཛིན་གྲྭ་སྟངས་འཛིན་ཡག་པོ་ཡོང་བའི་ཐོག་མའི་བསམ་བློའི་འཁྱེར་ཕྱོགས། དགེ་རྒན་ཞིག་ཡིན་པའི་ཆ་ནས་ཐོག་མར་འཛིན་གྲྭ་ལ་མ་ཕེབས་གོང་ནས་ཀུན་སློང་བཟང་པོ་ཞིག་འཁྱེར་ཐུབ་ཐབས་ལ་འབད་བཙོན་ཤུགས་དྲག་དགོས་པ་དང་། ཀུན་སློང་བཟང་པོ་དེ་ཡང་ཉིན་གཅིག་ཙམ་མ་ཡིན་པར་ལོ་ནས་ལོ་གཏུད་མར་དགོས་པ་དང། དེ་བྱུང་བ་ཡིན་ན་ལམ་སེང་ཡར་རྒྱས་ཕྱིན་དཀའ་ནའང་སྔོན་གྱི་འཛིན་གྲྭའི་གནས་སྟངས་ཅུང་ཟད་ཞིག་ཡར་རྒྱས་ཡོང་གི་ཡོད་པ་རང་ངོས་ནས་འདས་པའི་ཉམས་མྱོང་ལ་གཞིག་པ་ཡིན། རང་ཉིད་ཀྱིས་འཁྲིད་སའི་འཛིན་གྲྭ་གཅིག་པུ་ཞིག་མ་ཡིན་པར་སྐབས་རེ་ཚོགས་ཐེངས་ངམ་འཛིན་གྲྭ་འགའ་ལ་དགེ་ཚབ་ཏུ་ཕེབས་དགོས་པའི་གནས་སྟངས་ཤིག་ཡོང་གི་ཡོད་པས། སྐབས་དེར་རང་ཉིད་ནས་ཉོབ་སྣང་དང་། ཁོང་ཁྲོའི་རྒྱུར་མ་ཕྱིན་པར་ཉོབ་སྣང་དང་ཁོང་ཁྲོའི་བློ་ལས་དོར་སྟེ་བསམ་བློའི་ནང་དགའ་ཞིང་སྤྲོ་བའི་ངང་འཛིན་གྲྭའི་ནང་བཅར་ཐུབ་པ་ཡིན་ན། རང་བཞིན་གྱིས་འཛིན་གྲྭའི་སྟངས་འཛིན་ལ་དོ་ཕོག་མི་ཡོང་བ་ཞིག་དང་། རང་ཉིད་ཀྱི་ཚོགས་ཐེངས་ཇི་འདྲ་རྫོགས་མིན་མ་ཤེས་པར་རྫོགས་ཏེ་བློ་བདེ་བག་ཕེབས་ཡོང་གི་ཡོད། གལ་ཏེ་འཛིན་གྲྭའི་ནང་ཉོབ་སྣང་དང་ཁོང་ཁྲོའི་རྒྱུ་རུ་ཕྱིན་པ་ཡིན་ན། འཛིན་གྲྭ་སྟངས་འཛིན་བྱ་རྒྱུ་ཕར་བཞག་ཁོང་ཁྲོའི་རྒྱུ་ཤུགས་ཆེ་རུ་ཕྱིན་པ་དང་ཚོགས་ཐེངས་རྫོགས་རྒྱུ་ལའང་དབུགས་རིང་ཐེངས་མང་པོ་ལེན་དགོས་པ་དང་། སང་ཉིན་འཛིན་གྲྭ་དེ་མཐོང་བ་ཙམ་གྱིས་ཁོང་ཁྲོའི་མེ་ལྕེ་འབར་བའི་ཚོར་སྣང་ཞིག་ཡོང་གི་ཡོད་པས། འཛིན་གྲྭ་སྟངས་འཛིན་ཡག་པོ་ཡོང་བའི་སྨན་གཙོ་བོ་ནི་རང་གི་ཀུན་སློང་བཟང་པོ་དེ་ཆགས་ཡོད། རང་ཉིད་འཛིན་གྲྭའི་ནང་དངོས་སུ་སློབ་ཚན་ཁྲིད་བཞིན་པའི་སྐབས་སུ་ལའང་སློབ་ཕྲུག་ཚོའི་ཉན་རྩལ་དང་སྤྱོད་ལམ་གང་ཙམ་ཞིག་རང་ཉིད་ཀྱིས་ཚོད་དཔག་ཞིག་རྒྱག་ཐུབ། དེ་ལ་བརྟེན་ནས་རང་ཉིད་ལ་མ་འོངས་པར་འཛིན་གྲྭ་དེ་སྟངས་འཛིན་གང་འདྲ་ཞིག་དང་། ཐབས་ལམ་གང་ཞིག་དགོས་མིན་ཐད་སློབ་ཚན་རོབ་ཙམ་ཞིག་འཐོབ་ཐུབ། དེ་ལ་བརྟེན་ནས་སང་ཉིན་འཛིན་གྲྭར་བཅར་སྐབས་སུ་སྔོན་ཚུད་ནས་འཛིན་གྲྭའི་ནང་གནང་སྟངས་གནང་ལུགས་ཐད་སྒྲིག་གཞི་བཟོ་དགོས་པ་དང་། སྒྲིག་གཞི་བཟོ་སྐབས་སུ་ལའང་དགེ་སློབ་གཉིས་ཀའི་མོས་མཐུན་ཡོད་པ་ཞིག་དགོས་ལ། གཏན་འབེབས་ཟིན་པའི་སྒྲིག་གཞི་དེར་དགེ་སློབ་མཉམ་རུབ་ཀྱིས་བརྩི་མཐོང་བྱ་དགོས་པ་ཡིན། དེ་མིན་ཉིན་མ་རེ་ལ་སྒྲིག་གཞི་མི་འདྲ་བ་རེ་བཟོས་ན་རང་བཞིན་གྱིས་བརྩི་མཐོང་སྟེ་རིམ་པས་ཉམས་འགྲོ་གི་ཡོད། དགེ་རྒན་གྱི་ལམ་སྟོན་དང་། སློབ་མས་དང་ལེན་གནང་བ་ཡིན་ན་འཛིན་གྲྭ་དེ་ཚགས་ཚུད་དང་། གྲུབ་འབྲས་དེ་ཡང་གཞན་དང་མི་འདྲ་བ་ཞིག་ཡོང་གི་ཡོད་པ་རང་ཉིད་ལ་དངོས་སུ་མྱོང་ཚོར་བྱུང་། ༢) དངོས་སུ་འཛིན་གྲྭའི་ནང་སྟངས་འཛིན་བྱེད་སྐབས། དགེན་ལགས་རྣམ་པས་ཉིན་ཤེས་མྱོང་བ་གཞིར་བཞག་སྟེ་འཛིན་གྲྭའི་སྟངས་འཛིན་ལ་གྲུབ་འབྲས་སོན་ཐབས་མེད་ཀྱང་སེམས་ཤུགས་ཞུམ་པ་མེད་པའི་ཐོག་བློ་གཟུ་བོར་གནས་ཏེ་ཕུགས་རྒྱང་རིང་པོར་ཕན་པའི་བློ་རྒྱ་ཆེན་པོ་ཞིག་བཞེས་ཏེ་གནང་དགོས་ལ། སྐབས་དེར་དཀའ་ངལ་དུ་མ་ཞིག་འཕྲད་སྲིད་ཀྱང་དེ་དག་ལ་གདོང་ལེན་གནང་སྟེ་མདུན་མཆོང་ཤིག་གནང་བ་ཡིན་ན་རང་གཞན་གཉིས་ཀར་ཕན་སྲིད། དེ་ཡང་འཛིན་གྲྭ་སྟངས་འཛིན་གནང་སྐབས་སུ་ཞི་དྲག་གཉིས་ཀའི་ལམ་ནས་གནང་ཆོག་ཀྱང་། རབ་བྱུང་ན་ཞི་བའི་ལམ་ནས་འཛིན་གྲྭ་སྟངས་འཛིན་གནང་ཐུབ་ན་བཟང་སྤྱོད་དང་མི་འགལ་བའི་ཕན་ནུས་ཆེ། དཔེ་མཚོན་ཙམ་ཞུས་ན། སཱི་ཤེས་ཡོན་ནམ་ཆོས་ལུགས་ལ་མ་བརྟེན་པའི་བཟང་སྤྱོད་ཀྱི་བསླབ་གཞིའི་སློབ་ཚན་དང་པོའི་ནང་<<འཛིན་གྲྭའི་ནང་གི་དམ་བཅའ། >>ཞེས་པའི་བྱེད་སྒོ་ཆུང་ཆུང་ཞིག་ཡོད་ཀྱང་ཕན་རླབས་བསམ་གྱི་མི་ཁྱབ་པ་ཡོད། དེ་འཛིན་གྲྭའི་ནང་གནང་ཐུབ་པ་ཡིན་ན་སློབ་མ་ཚོའི་ཉིན་རེའི་བྱ་གཞག་ལ་འགྱུར་བ་འགྲོ་བ་དང་། སློབ་མ་ཚོའི་ཉན་རྩལ་ཡར་རྒྱས་དང་། ལུས་སེམས་གཉིས་ཀར་འགྱུར་བ་ཞིག་ཕྱིན་ཏེ་རྙོག་གླེང་གི་རྩ་བ་ཉུང་དུ་ཕྱིན་པ་དང་སྟངས་འཛིན་གནང་བདེ་བ། དགེ་རྒན་ཀྱང་ཉིན་ལྟར་འཛིན་གྲྭ་སྟངས་འཛིན་རང་ལ་དུས་ཚོད་གཏོང་མི་དགོས་པར་ཉིན་རེའི་སློབ་ཁྲིད་ཤར་མར་འགྲོ་ཐུབ་པའི་དགེ་མཚན་དང་། ཕན་རླབས་ཆེན་པོ་ཞིག་ཡོད་པ་རང་ཉིད་ལ་མྱོང་བ་བྱུང་། ཡང་དྲག་པོའི་སྒོ་ནས་འཛིན་གྲྭ་སྟངས་འཛིན་གནང་མ་ཆོག་པ་རྩ་བ་ནས་མིན། གནང་ན་འགྲིག་ཀྱང་གནས་སྐབས་རིང་ལ་སློབ་ཕྲུག་ཚོའི་ཞེད་སྣང་དང་དངངས་འཚབ་ཀྱི་ཐོག་ནས་རེ་ཞིག་འགྲིག་འགྲོ་ནའང་། མ་འོངས་པར་སློབ་མ་ཚོ་ལ་དྲག་པོའི་ལམ་ནས་མ་གཏོགས་ཞི་བའི་ལམ་ནས་འདུལ་དཀའ་བའི་གནས་སྟངས་ཤིག་ཆགས་དུས་རང་གཞན་གཉིས་ཀའི་སེམས་ལ་དཀའ་ངལ་ཞིག་འཕྲད་རྒྱུ་ལས་གཞན་ཅི་ཡང་མ་མཆིས། ང་ཚོ་དགེ་བའི་བཤེས་གཉེན་ཞིག་གི་མཚན་གནས་ཡོད་པའི་འཛིན་གྲྭ་སྟངས་འཛིན་བྱ་རྒྱུ་དེ་ཞི་བའི་སྒོ་ནས་གནང་ཐུབ་པ་ཡིན་ན་འཕྲལ་ཕུགས་གཉིས་ཀར་ཕན་པའི་བྱ་བ་རླབས་ཆེན་ཞིག་རེད་འདུག་སྙམ། ༣) འཛིན་གྲྭ་སྟངས་འཛིན་གནང་སྐབས་དཀའ་ངལ་ལ་ལྟ་བ། […]

སློབ་ཁྲིད་ཐབས་ལམ། བོད་དགེ་ལྷག་པ་ཚེ་རིང། ཅོན་ཏ་ར་བོད་ཁྱིམ། བོད་དགེ བདག་ཅག་མ་རིག་མུན་པས་གནས་ལ་རྨོངས། ། དེ་ཉིད་སེལ་བྱེད་དགེ་བའི་བཤེས་དང་འཕྲད། ། བླང་དོར་གནས་སྟོན་རྣམ་དཔྱོད་ཤེས་རབ་འཕེལ། ། དབྱེར་མེད་རྗེ་བཙུན་འཇམ་དབྱངས་ཁྱེད་ལ་བཏུད། ། མཆོད་པར་བརྗོད་པ་སྔོན་དུ་བཏང་ནས་དེ་རིང་གི་བརྗོད་གཞི་”སློབ་ཁྲིད་ཐབས་ལམ་”ཞེས་པའི་སྐོར་ཕྲན་ལ་མྱོང་ཚོར་གང་ཡོད་པ་དང་བསམ་ཚུལ་རྣམས་ཅུང་ཟད་བཀྲོལ་ནས་ཞུ་ཆོག་པར་བགྱི། བདག་ཅག་གི་སྟོན་པ་བཅོམ་ལྡན་འདས་སངས་རྒྱས་ཟིན་ནས། འགྲོ་བ་གདུལ་བྱ་རྣམས་ལ་ཆོས་གསུངས་པའི་སྐབས་སུ་འགྲོ་བ་སོ་སོའི་ཁམས་དང་མོས་པར་འཚམས་པའི་ཆོས་གསུངས་ཡོད་པ་མ་གཏོགས་དང་པོ་ཉིད་ནས་གོ་དཀའ་བའི་རིགས་གསུངས་མེད་ཅིང། རང་ཅག་ཐ་མལ་པ་རྣམས་ཀྱང་སློབ་མ་ཚོ་ལ་སློབ་ཁྲིད་བྱེད་པའི་སྐབས་སུ་དགེ་རྒན་སོ་སོའི་རྣམ་དཔྱོད་བཏོན་ནས་གང་བསླབ་རྒྱུའི་སློབ་ཚན་འདི་སློབ་ཕྲུག་གིས་བདེ་བླག་ངང་དུ་ཤེས་པ་ཡོང་རྒྱུར་ཐབས་ཤེས་ཡོད་རྒུ་རྩལ་སྤྲུགས་ལ་འབད་དགོས་པ་ཡིན། གནའ་སྔ་མོ་བོད་ནང་ལ་ཆ་བཞག་ན་སློབ་ཁྲིད་ཀྱི་མཐུན་རྐྱེན་དེང་སང་ནང་བཞིན་ཕུན་སུམ་ཚོགས་པ་མེད་སྟབས། སྐབས་དེ་དུས་ཀྱི་སློབ་ཁྲིད་ཐབས་ལམ་གཙོ་ཆེ་ཤོས་གཞུང་ཆེན་བློ་འཛིན་བྱས་པ་དང། ཡི་གེ་འབྲི་ཀློག་གཉིས་བཅས་ལ་ཤུགས་སྣོན་རྒྱབ་ཀྱི་ཡོད། དེའི་སྐབས་དགེ་རྒན་དབུས་བཞུགས་ཀྱིས་སློབ་ཁྲིད་ཐབས་ལམ་གཞིར་བཞག་འགྲོ་མུས་ཡོད་འདུག་ཅིང། ནང་ཆོས་ནང་གསུངས་པ་ལྟར་ན་སློབ་འཁྲིད་བྱེད་མཁན་དགེ་རྒན་འདི་ཡང་ལས་སླ་པོ་ཞིག་གཏན་ནས་མིན་པར་འོས་ཆོས་བཅུ་བཤད་ཡོད་པ་དང། དེ་བཞིན་དུ་སློབ་མ་ལའང་སྣོད་ཀྱི་སྐྱོན་གསུམ་དང་བྲལ་བ་ཞིག་ཡོད་ན་དེ་ལ་དུས་སུ་གདམས་ངག་སྟོན་པར་བགྱི་ཞེས་གསུངས་ཡོད། དེང་དུས་སློབ་མར་སྣོད་ཀྱི་སྐྱོན་གསུམ་བྲལ་དང་མ་བྲལ་སྐད་ཆ་མེད་པར་ཚང་མར་སློབ་ཁྲིད་ཆ་སྙོམས་བྱེད་བཞིན་ཡོད། དེ་ཡང་སློབ་མ་དབུས་བཞག་གི་ལམ་ལུགས་འདི་ཡིན་ཞིང། དེ་ཐོག་མར་ནུབ་ཕྱོགས་རྒྱལ་ཁབ་ཏུ་དར་ཁྱབ་ཕྱིན་ཏེ་འཛམ་གླིང་གང་སར་ཁྱབ་པ་རེད། སློབ་མ་དབུས་བཞག་གི་སློབ་ཁྲིད་ལམ་ལུགས་འདི་ལ་ཕྱི་ནང་མཁས་པ་མང་པོས་ཡིད་རངས་དང་བསྔགས་བརྗོད་ཞུ་ཡུལ་ཞིག་ཏུ་འགྱུར་ཡོད། སློབ་མ་དབུས་བཞག་གི་སློབ་ཁྲིད་ལམ་སྲོལ་འདིའི་ནང་གཙོ་ཆེ་ཤོས་དགེ་རྒན་གྱིས་ལམ་སྟོན་འོག་སློབ་མ་ཚོས་དཔེ་དེབ་འཚོལ་ཞིབ་བྱས་ཏེ་བལྟ་རྒྱུའམ་དྲྭ་རྒྱར་གཟིགས་ནས་གནས་ཚུལ་འཚོལ་ཞིབ་བྱས་ཏེ་རང་ངོས་ནས་སྦྱོང་དགོས་པ་དང། ལྷག་པར་དུ་སློབ་མ་ནང་ཁུལ་ལ་ལས་རིམ་མང་དག་ཅིག་ནང་མཉམ་ཞུགས་གནང་སྟེ་དེའི་རྒྱུད་ནས་སྦྱོང་དགོས་པ་མང་པོ་ཞིག་ཡོད། སློབ་ཕྲུག་གི་འདོད་བློ་ཚིམ་པའི་སྐད་ཡིག་སློབ་ཁྲིད་ཐབས་ལམ་ཞིག་སྤེལ་དགོས། དཔེར་ན་གཞས་ཚིག་ཅིག་འཁྲིད་པ་ཡིན་ན་དགེ་མཚན་གཉིས་མཐོང། གཅིག་ནི་སློབ་མ་ཚོ་རྒྱུན་ལྡན་ནས་གཞས་གཏང་རྒྱུར་མ་དགའ་བ་ཧ་ལམ་མེད་ཅེས་ཞུ་ཆོག། གཉིས་ནས་གཞས་ཚིག་ལམ་ནས་སྐད་ཡིག་་དེ་ཤེས་སླ་བར་བྱུང་ངེས་ཡིན། སྐད་ཡིག་སློབ་ཁྲིད་ཐབས་ལམ་འཇུག་པོ་ཞིག་ཡོང་བར་ཉིན་རེ་སློབ་ཁྲིད་འཆར་འགོད་གདིང་སྟངས་ལ་རག་ལས་ཡོད་པ་ཉག་ཅིག་ཡིན། སློབ་ཁྲིད་འཆར་འགོད་ནང་ཉིན་རེའི་ཆོགས་ཐེངས་གཅིག་ལ་ཆུ་ཚོད་གཅིག་ཡོད་པའི་དབང་དུ་བཏང་ན་དགེ་རྒན་གྱིས་བཤད་ཡག་དང་སློབ་ཁྲིད་བྱེད་ཡག་གང་ཉུང་ཉུང་དཔེར་ན་སྐར་མ་བཅོ་ལྔ་ཉི་ཤུ་བཞག་ན་འགྲིག སློབ་ཁྲིད་དུས་ཡུན་མང་ཆེ་བ་སློབ་ཕྲུག་ཚོ་ལ་གོ་སྐབས་ཕུལ་ཏེ་ལས་རིམ་མི་འདྲ་བ་སྣ་ཚོགས་སྤེལ་ཐབས་བྱ་རྒྱུ་ཡིན་ཞིང། སྐབས་འགར་སློབ་མ་ཚོགས་སྟེ་སོ་སོས་བསླབ་གཞིའི་སློབ་ཚན་འདིའི་ཐོག་ནང་དོན་གོ་རྟོགས་སླེབས་ཐབས་ཀྱིས་ཚང་མས་ཀློག་ནས་གྲོས་བསྡུར་བྱེད་དགོས་པ་དང། སྐབས་རེར་གཏམ་བརྗོད་གོ་སྒྲིག་བྱ་རྒྱུ། མཚམས་རེ་སྡེ་ཚན་གཉིས་དབར་བགྲོ་གླེང་དང་འདྲི་བརྩད་འགྲན་བསྡུར་བྱ་རྒྱུ། ལྷག་པར་དུ་བོད་ཡིག་བརྡ་སྤྲོད་ཕྲད་རྣམ་དབྱེའི་ཐོག་སློབ་པའི་སྐབས་སུའང་དངོས་སུ་ལག་བསྟར་ཁག་སློབ་མ་ཚོས་བསམ་བློ་བཏང་ནས་དཔེར་བརྗོད་གསར་བཟོ་དང་སྦྱང་ཤོག་ཕྲད་གང་ཡིན་འགེང་རྒྱུ། རྩེད་མོའི་ལམ་ནས་བོད་ཡིག་དག་ཆ་སློབ་ཐབས་གནང་ཐུབ་ན་སློབ་ཕྲུག་ཚོ་ལ་ཉོབ་སྣང་མེད་པར་སྟབས་བདེ་པོའི་ཐོག་ལ་གང་བསླབས་པ་རྣམས་ཤེས་ཐུབ་པ་ཡོང་ངེས་ཡིན། དེང་སང་འཛམ་གླིང་གང་སར་འཕྲུལ་ཆས་ཀྱི་ཡར་རྒྱས་ཧ་ལས་པ་ཆེན་པོ་ཕྱིན་ཡོད་སྟབས། འཕྲུལ་ཆས་ཀྱི་སློབ་ཁྲིད་ཡོ་བྱད་གསར་པ་མང་པོ་ཞིག་ཐོན་ཡོད་པ་མ་ཟད། དྲ་ལམ་གྱི་ཐོག་ནས་ཀྱང་སློབ་ཁྲིད་ཐབས་ལམ་སྣ་ཚོགས་སྤེལ་ཐུབ་ཀྱི་ཡོད་ཅིང། དཔེར་ན། བསླབ་གཞིའི་སློབ་ཚན་དེ་ཉིད་ནག་པང་སྟེང་དུ་བྲིས་མི་དགོས་པར་སྔ་ནས་གྲ་སྒྲིག་བྱས་ཏེ་ཀློག་ཀླད་བརྒྱུད་སྦྱང་ཤོག་(power point)བཟོས་ཏེ་སློབ་ཁྲིད་བྱེད་པ་ཡིན་ན་སྟབས་བདེ་བ་དང། འགྲེལ་བཤད་བརྒྱབ་ཡོང་དུས་སློབ་མས་མགོ་ཚོས་བདེ་བར་ཡོང་ངེས་ཡིན། ལྷག་པར་དུ་དེའི་བརྒྱུད་ལམ་ནས་བསླབ་གཞིའི་སློབ་ཚན་དེ་ཁ་གསལ་དུ་གཏོང་བྱེད་དུ་ཐབས་ཤེས་གང་འཚམས་ཤིག་དེ་དང་འབྲེལ་བའི་དྲ་རྒྱའི་རྒྱུད་ནས་འཚོལ་ཞིབ་བྱས་ཏེ་ལམ་སྟོན་བྱེད་ཐུབ། དེང་སང་སློབ་ཕྲུག་རིགས་འགའ་ཤས་ཤིག་ནི་དགེ་རྒན་དངོས་སུ་བསྟེན་མི་དགོས་པར་དྲ་ཐོག་སློབ་ཚན་སྦྱངས་ནས་འཛིན་གྲྭའི་ཡིག་རྒྱུགས་ཏག་ཏག་བཏང་ནས་རྒྱུགས་འཕྲོད་མཁན་ཡང་མང་པོ་ཡོད་མོད་ཀྱིས། གློག་ཀླད་བརྒྱུད་སྦྱང་ཤོག་(power point) འཁྲིད་ཆས་འདྲ་མིན་སྣ་ཚོགས་བཟོས་ཐུབ་ཀྱི་ཡོད་པ་བརྟེན་ནས་དགེ་རྒན་ཕལ་མོ་ཆེ་བས་དེ་ལག་བསྟར་བྱས་ཏེ་སློབ་ཚན་འཁྲིད་རྒྱུར་དགའ་མོས་ཆེ་བར་བྱེད་ཀྱི་ཡོད་ཅིང། ལྷག་པར་དུ་དག་ཆ་འགྲན་བསྡུར་དང་བགྲོ་གླེང། གཏམ་བཤད། རྩོམ་ཡིག་འགྲན་བསྡུར་ལ་སོགས་པ་མང་པོ་ཞིག་ཀམ་པུར་དྲ་རྒྱའི་ལམ་ནས་ལས་རིམ་མང་དག་ཅིག་སྤེལ་ཐུབ་ཀྱི་ཡོད་པ་འདོན་མི་ཟ། […]

འཆར་འགོད་དང་སློབ་ཁྲིད་ཀྱི་མྱོང་བ་བརྗོད་པ།   པ་སངས་ཚེ་རིང་། སཾ་བྷོ་ཊ་བོད་སློབ་ཚོགས་པའི་བོད་ཡིག་རྒྱུས་སྟོན་པ། སློབ་དཔོན་ཞིག་གིས་གློ་བུར་དུ་རྒན་ལགས་ག་རེ་གནང་གི་ཡོད། ཅེས་དྲིས་པར་ཁོ་བོས་བསྟབས་སྟབས་པོར་མགོ་བོ་ཡར་བཀྱགས་ཏེ་བལྟས་ཞོར་དུ་སློབ་ཚན་འཆར་འགོད་བྱེད་བཞིན་པ་ཡིན་ཞེས་ལན་བཏབ་པ་དང་། ཡང་ཁོང་གིས་ང་ལ་ད་ཁྱོད་ཀྱི་མི་ཚེ་སློབ་ཚན་འཆར་འགོད་ཀྱི་ཁྲོད་དུ་བསྐྱེལ་ཡས་ཡིན་པས། སློབ་ཚན་འཆར་འགོད་གང་འདྲ་བྱེད་ཀྱི་ཡོད། སློབ་ཁྲིད་ཐབས་ལམ་དམིགས་བསལ་འདྲ་ཡོད་དམ་ཞེས་དྲིས་པར་ཁོ་བོས་ལན་འདི་ལྟར། དགེ་རྒན་ཞིག་ཡིན་ན་ཤེས་ཡོན་སྲིད་ཇུས་ལས་ཤེས་ཡོན་སློབ་སྦྱོང་སྤྲོད་པའི་དམིགས་ཡུལ་བཞི་པོ་ཁ་བཤད་ཚིག་ཙམ་མ་ཡིན་པར་དོན་དངོས་སུ་རྒྱུད་ལ་འཇགས་ཤིང་རང་དཔེ་གཞན་སྟོན་བྱེད་ཐུབ་པ་ཞིག་དགོས། ལྷག་པར་དུ་རང་ལས་སློབ་ཕྲུག་གི་འཕྲལ་ཕུགས་ཀྱི་མདུན་ལམ་ལ་གཅེས་པར་བཟུང་སྟེ་ཁོ་ཚོའི་དོན་དུ་རང་ཉིད་བློས་བཏང་ནས་རྒྱལ་ཁབ་དང་རང་མི་རིགས་ལ་སྲི་ཞུ་སྒྲུབ་ནུས་པའི་རྨང་གཞིའི་ཀུན་སློང་ཐོག་སློབ་མའི་ཕྱི་ནང་གི་དཀའ་ངལ་མང་པོ་ཞིག་སེལ་ཐུབ་ན། དངོས་སུ་སློབ་ཁྲིད་སྐབས་ལེགས་གྲུབ་ཡོང་རྒྱུར་གཏན་ཁེལ་པ་རེད་ཅེས་ཚིག་ཐག་བཅད་ནས་ཞུས་ཆོག། ། ཀ༽   དགེ་རྒན་གྱིས་སློབ་སེང་གི་སྐབས་སུ་སློབ་ཁྲིད་ཀྱི་གྲ་སྒྲིག་གང་འདྲ་གནང་དགོས་སམ་ཞེ་ན། ཤེས་ཡོན་སྲིད་ཇུས་ནང་དུ་དགེ་རྒན་དབུས་གཞག་དང་སློབ་མ་དབུས་གཞག་གི་ལམ་ལུགས་གཉིས་ཡོད་པ་ལས་དགེ་རྒན་གྱིས་སློབ་ཕྲུག་ལ་དངོས་སུ་སློབ་སྟོན་བྱེད་སྐབས་སློབ་ཕྲུག་དབུས་སུ་བཞག་པའི་ཐབས་ཚུལ་ཕྱག་བསྟར་གནང་དགོས་ཞེས་བཀོད་པ་ལྟར། སློབ་མ་དབུས་བཞག་གི་ཐབས་ཚུལ་གཟུང་བ་ལ་དང་པོ་དགེ་རྒན་གྱིས་སློབ་སེང་གི་སྐབས་སུ་སྐད་ཡིག་སློབ་དེབ་ཁོ་ན་ལ་ཆ་མ་གཞག་པར་སློབ་མའི་ཁམས་མོས་དང་འཚམས་པའི་སློབ་གཞིའི་རྒྱུ་ཆ་ཕྱོགས་མང་པོ་ནས་འཚོལ་སྒྲུག་དང་དབྱེ་ཞིབ་བསྣོན་བཅོས་སྤོས་ལེན་སོགས་གྲ་སྒྲིག་འཐུས་ཚང་བར་བྱས་ཏེ་སློབ་ཐོན་ཕྱག་ཚོད་སྐར་མ་བཞི་བཅུ་ཞེ་ལྔའི་རིང་སློབ་མ་དབུས་བཞག་གི་ཐབས་ཚུལ་སྤྱད་དེ་ཁོ་ཚོའི་སེམས་རྒྱུད་ལ་སྦྱང་བྱའི་སློབ་ཚན་རྣམས་གཏན་པོ་འཇགས་ཆེད་དུ་ཐོས་བསམ་སྒོམ་གསུམ་ཡ་མ་བྲལ་བའི་ཐོག་ནས་གཙོ་བོ་སློབ་མ་རང་ཉིད་ལ་བྱ་འགུལ་སྤེལ་དུ་འཇུག་དགོས། ཁ༽   སློབ་ཁང་ནང་དུ་སློབ་མ་རྣམས་ཇི་ལྟར་སྐྱོང་དགོས་མིན་དང་སློབ་འཁྲིད་གང་འདྲ་གནང་དགོས་སམ་ཞེ་ན། སློབ་འགོ་ཚུགས་པའི་ཉིན་དང་པོར་སློབ་མ་ཚོའི་བསམ་བློ་ལ་འཆར་སྣང་བདེ་སྡུག་བཏང་སྙོམས་སྣ་ཚོགས་འཁྱེར་ནས་སློབ་ཁང་དུ་ཕེབས་མཁན་ཤ་སྟག་ཡིན་པས། དགེ་རྒན་གྱིས་ངོས་ནས་སློབ་ཐོན་གྱི་དུས་ཚོད་ཕལ་ཆེ་བ་སློབ་མ་རྣམས་སློབ་གྲྭར་ཕེབས་པར་སྤྲོ་སྣང་འཕེལ་ཆེད་དུ་ཁོ་ཚོའི་བློ་མོས་དང་མཐུན་པའི་གྲ་སྒྲིག་བྱས་པའི་རྩེད་ཆས་རྣམས་ཁྱེར་ཞིང་འཆར་གཞི་དང་སྒྲིག་གཞི་གོ་རིམ་ཡོད་པའི་ཐོག་ནས་ཕྱི་རུ་རྩེད་མོ་འདྲ་མིན་སྣ་ཚོགས་རྩེ་རུ་འཇུག་དགོས་པ་ལས་ར་ལངས་ཆ་ལངས་བྱེད་དུ་འཇུག་མི་རུང་། སྐབས་དེར་དགེ་རྒན་རང་ཉིད་ཀྱིས་ཀྱང་ཁོ་ཚོའི་སྤྲོ་སེམས་འཁོལ་བའི་རྩེད་འཇོའི་ནང་དུ་ལུས་སེམས་གཉིས་ཀས་མཉམ་བཞུགས་མཉམ་རྩེས་བྱས་ན་སློབ་མའི་སེམས་སུ་སློབ་གྲྭ་དང་དགེ་རྒན་ལ་དགའ་དད་སྤྲོ་གསུམ་སླེབས་ཤིང་། དགེ་སློབ་དབར་མཛའ་གཅུགས་གསེར་གྱི་ཟམ་པ་ཐེངས་དང་པོ་འཛུགས་ངེས་ཡིན། སློབ་མ་ཚོ་སློབ་གྲྭའི་ཁོར་ཡུག་གི་བྱ་དངོས་ལ་གོམས་རིམ་བཞིན། རྩེད་མོའི་དུས་ཡུན་ཐུང་དུ་བཏང་ཞིང་སློབ་ཁྲིད་སྦྱོང་བརྡར་གྱི་དུས་ཡུན་རིང་དུ་བཏང་ནས་ཕྱིའི་ཡུལ་ལ་གོ་རྒྱ་གཅོད་པ་དང་། ནང་གི་ཤེས་པའི་ནུས་པ་སད་སྨིན་རྫོགས་གསུམ་བྱེད་པའི་སློབ་མའི་རྒྱུད་ཀྱི་ཡོན་ཏན་གོང་མཐོར་གཏོང་བའི་ལས་ལ་བཞུགས་དགོས། སྐད་ཡིག་དགེ་རྒན་ཞིག་ཡིན་པའི་ཆ་ནས་སློབ་གཞིའམ་སློབ་ཚན་གང་འདྲ་ཞིག་ཡིན་རུང་གཙོ་ཕལ་གཉིས་སུ་དབྱེ་ནས་སློབ་གཞི་མཁོ་སྒྲུག་བྱས་ཤིང་སློབ་ཁྲིད་གནང་དགོས་ལ། གཙོ་བོ་དེར་གཅིག་ཤེས་ཀུན་གྲོལ་དང་རིགས་འགྲེལ་གཏོང་རྒྱུ་ཡོད་ཅིང་བྱིས་བློ་དང་འཚམས་པའི་བྱིས་སྒྲུང་ཚིག་ཉུང་ཞིང་གོ་བདེ་བ། སྐད་ཆའི་སྒྱུ་རྩལ་ཡོད་པ། ཚིག་སྦྱོར་སྤེལ་སྟངས་གསོན་ཉམས་ལྡན་པ་ཞིག་ཡིན་ན། དེར་རུས་སྦལ་ས་ལ་འགྲོ་བ་ལྟ་བུའི་ཞིབ་ཚགས་ཤིང་དོ་ནན་པོ་བྱེད་ནས་སློབ་ཁྲིད་གནང་དགོས། དཔེར་ན། ཁོ་བོས་རྩོམ་སྒྲིག་བྱས་པའི་དགེ་རྒན་ལག་དེབ་ལས་སློབ་གྲོགས་ཡག་པོ༌ཞེས་པའི་སློབ་ཚན་ལྟ་བུའོ། སློབ་ཚན་ནམ་སློབ་གཞི་ཕལ་བ་ནི་བརྡ་སྤྲོད་དང། ལེགས་བཤད། གཏམ་དཔེ། གླུ་གཞས། གབ་ཚིག བྱིས་སྒྲུང་སྤྱིར་བཏང་བའི་རིགས་ལ་སེང་གེ་གངས་ལ་མཆོངས་པ་ལྟར་དགེ་རྒན་གྱིས་དོན་འགྲེལ་མཛུབ་མོས་རི་སྟོན་བྱས་ནས་གང་མང་ཀློག་བཅུག་ན་འཐུས་པ་ཡིན། དཔེར་ན། སློབ་དེབ་ལས་བོང་བུ་དང་ཕ་བུ་ལྟ་བུར་ཞིབ་ཚགས་པོ་ཁྲིད་མི་དགོས། དེང་གི་སློབ་མ་ཕལ་ཆེ་བའི་ངག་རྒྱུད་ལ་བོད་སྐད་གཏིང་ཚུགས་པ་ཞིག་མེད་པས་དགེ་སློབ་ཟུང་ལ་དཀའ་ངལ་ལུ་གུ་བརྒྱུད་ཕྲད་བཞིན་ཡོད་ན། ཐོག་མར་སློབ་མར་སྐད་ཆ་ཤོད་སྟངས་སློབ་ཅིང་དེ་ལ་གཞིགས་ནས་ཡི་གེ་འབྲི་ཀློག་རེས་མོལ་བྱས་ཏེ་སློབ་པ་དང་ཁྲིད་དགོས། དཔེར་ན། འཛིན་རིམ་དང་པོའི་དགེ་རྒན་ལག་དེབ་ལས་མིའི་མིང་རྣམས་བརྗོད་པ་བཟོ་སྟངས་སློབ་པ་ལྟ་བུའོ། འཛིན་རིམ་དང་པོར་སྦྱོང་གཞི་དང་འབྲི་སྦྱོང་བྱེད་ས་ཚང་མ་དཔེ་མཚོན་འོས་པའི་ཚུགས་རིང་གི་ཐོག་ནས་ཡིག་གཟུགས་ལེགས་པོ་ཞིག་བྲིས་ཏེ་སློབ་མར་བཀྲམས་ནས་ཡི་གེ་འབྲི་བའི་རིམ་པ་དང་། མིང་ཚིག་བེད་སྤྱོད་གཏོང་སྟངས་གོམ་པ་རེ་རེ་བཞིན་དཀའ་ལས་བརྒྱབ་ནས་སློབ་མའི་སེམས་རྒྱུད་དུ་སྐད་ཡིག་གི་འགྲོ་སྟངས་གཏིང་ཚུགས་པ་ཞིག་འཇགས་ཐབས་བྱེད་དགོས་པ་ལས་གོམས་ངན་རྒྱ་ཡན་དུ་མ་གཏང་བར་གཟབ་ནན་ངང་ལག་ལེན་དམར་ཁྲིད་གནང་དགོས། དཔེར་ན། ཁོ་བོའི་དྲ་ཚིགས་https://www.youtube.com/watch?v=mt6YWR0ZY8M&t=172s) ལྟར་སློབ་ཁྲིད་གནང་ན་ནུས་པ་ཐོན་ངེས་ཡིན། སློབ་མས་འབྲི་དེབ་སྟེང་དུ་ཡི་གེ་འབྲི་བའི་སྐབས་སུ་དགེ་རྒན་གྱིས་སློབ་མའི་སྐྱེས་རྟོགས་སམ་ལྷན་སྐྱེས་ཀྱི་ཡོན་ཏན་དང་སྦྱང་རྟོགས་ཀྱི་ཡོན་ཏན། ལུས་ངག་ཡིད་གསུམ་གྱི་ནུས་རྩལ་ལ་དོ་སྣང་དང་དབྱེ་ཞིབ་བྱས་ན་སློབ་མ་སོ་སོའི་ནུས་རྩལ་ལ་ང་ཚོས་ཤེས་རྟོགས་རྒྱུས་ལོན་ཐུབ་ངེས་ཡིན། སྤྱིར་སློབ་མ་ཚང་མ་གཅིག་མཚུངས་མ་ཡིན་པར་བློ་རབ་འབྲིང་སྣ་ཚོགས་ཡོད་དེ། ལ་ལར་བླང་དོར་གྱི་གནས་རྣམས་རང་སྟོབས་ཀྱིས་འབྱེད་ནུས་པའི་ཤེས་རབ་རླབས་ཆེ་བ་ཡོད། ལ་ལར་རྣམ་པར་བྱང་བའི་ཆ་ཤས་ཕྲ་ཞིང་ཕྲ་བ་རྣམས་ཇི་ལྟ་བ་བཞིན་དུ་མ་འདྲེས་པར་འབྱེད་ནུས་པའི་ཤེས་རབ་གསལ་བ་ཡོད། […]

༄༅། །དགེ་རྒན་གྱི་ཁྱད་ལས་ཡར་རྒྱས་དང་། ཤེས་ཡོན་དང་ཉམས་མྱོང་བརྗེ་རེས་ཆེད་རང་རང་གི་ཉམས་མྱོང་ལས་བྱུང་བའི་ལེགས་ཆ་དང་། སློབ་ཕྲུག་གི་འབྲི་རྩལ་ཡར་རྒྱས་ཆེད་དགེ་སློབ་རྣམས་ལ་རྩོམ་ཡིག་སྣ་མང་འབྲི་བའི་ལས་རིམ་ཞིག་ཕྱི་ལོ་ ༢༠༢༠ ལོ་ནས་དབུ་འཛུགས་ཀྱིས་འདེམས་ཐོན་བྱུང་བའི་རྩོམ་ཡིག་རྣམས་དག་ཆ་དང་ཚིག་སྦྱོར་ནོར་བ་རེ་ཟུང་བཅོས་པ་ལས་མ་རྩོམ་རང་སོར་བཞག་སྟེ་འདི་གའི་དྲྭ་གནས་སུ་འཇོག་བཞིན་ཡོད་པས་དེ་དོན་དགོངས་འཇགས་འཚལ། ། གསལ་བཤད། གཤམ་འཁོད་རྩོམ་ཡིག་རྣམས་དྲྭ་ངོས་སུ་འགོད་སྐབས་འབྱོར་སྔ་ཕྱི་ཡི་བང་རིམ་ལྟར་བཀོད་པ་ལས་རྩོམ་ཡིག་གི་ལེགས་ཉེས་ཀྱི་བང་རིམ་ལྟར་བསྒྲིགས་མེད་པའི་གསལ་བརྗོད་ཞུ་རྒྱུ་ཡིན།     [sections] [section title=”ཕྱི་ལོ་༢༠༢༡ལོའི་དགེ་སློབ་རྩོམ་འབྲི་ཐེངས་གཉིས་པ།”] [tabby title=”དགེ་རྒན་གྱི་རྩོམ་ཡིག”] ཨང་། རྩོམ་པ་པོའི་མཚན། བརྗོད་གཞི། གནས་རིམ། སློབ་གྲྭ། ༡ འཇམ་དབྱངས་དོན་གྲུབ། དངུལ་གྱིས་བསླུས་པའི་གྲོགས་པོ་ཞིག བོད་དགེ ཝཱ་ཎ་མཐོ་སློབ། ༢ ལྷག་པ་ཚེ་རིང། ཕ་དམ་པའི་ཞལ་གདམས་སྙིང་དབུས་སུ་བཅངས་པ། གཞི་རིམ་བར་མའི་བོད་དགེ ཅོན་ཏ་ར་བོད་ཁྱིམ། ༣ བསྟན་འཛིན་མཐོ་རི། སྤོ་སྤོ་བསམ་འཕེལ་གྱི་བརྗེད་དཀའ་བའི་ཉིན་མོ། འབྲིང་རིམ་བོད་དགེ ཅོན་ཏ་ར་བོད་ཁྱིམ། ༤ རྡོ་སྦིས་ཟླ་བ་ཚེ་རིང། བསྟན་འཛིན་དང་ཁོའི་འཛིན་གྲོགས། གཞི་རིམ་བར་མའི་བོད་དགེ མེས་དབོན་གཙུག་ལག་དཔེ་སྟོན་སློབ་གྲྭ། ༥ སྐལ་བཟང་ཉི་མ། གསང་བྲོས། གཞི་རིམ་བར་མའི་བོད་དགེ བཙུན་དགོན་སྒྲོལ་མ་གླིང་། ༦ རྟ་མགྲིན་དབང་རྒྱལ། ཨ་ཁུ་ཁྱི་རྒན། གཞི་རིམ་འོག་མའི་དགེ་རྒན། སིམ་ལ་གཏན་སློབ། ༧ སྤེན་པ་རིགས་གྲོལ། རེ་བ་སོས་པ། གཞི་རིམ་གོང་མའི་བོད་དགེ […]