བསྟན་འཛིན་དབང་མོ་གུ་རུང་། འཛིན་གྲྭ་བཅུ་པ།
བདེ་སླར་སི་ཝི་པི་སཾ་བྷོ་ཊ་ཉིན་སློབ།
གངས་ལྗོངས་ལྷ་ལྡན་ཞིང་ན།། ཁ་བའི་མདའ་དར་དཀར་པོ།།
རྒྱལ་སྲས་བྱང་ཆུབ་སེམས་དཔའ།། སྟག་འཚེར་ཡུལ་དུ་འཁྲུངས་སོང་།།
སྐུ་ན་ཕྲ་བའི་དུས་ནས།། བོད་དོན་འཁུར་དུ་བསྣམས་ནས།།
མངའ་གསོལ་བཟང་པོ་མཛད་པས།། བོད་འབངས་བྱམས་པས་བསྐྱངས་ཡོད།།
དེ་ནས་རིང་མིན་ཞིག་ནས།། རྒྱ་དམར་གདུག་རྩུབ་ཆེ་བས།།
སྐུ་ངལ་འཛེམས་མེད་ངང་ནས།། རྒྱ་གར་ཡུལ་དུ་ཕེབས་ཡོད།།
འཕགས་ཡུལ་ཆོས་ལྡན་ཞིང་དུ།། མཛད་པ་ཡར་ངོའི་ཟླ་ལྟར།།
འཛམ་གླིང་ཡོངས་ལ་ཁྱབ་ཅིང་།། མཚན་གྱི་བ་དན་བསྒྲེངས་སོང་།།
ཞི་བདེའི་དེད་དཔོན་ཆེན་པོ།། རང་གཟུགས་སྙིང་རྗེ་བདག་ཉིད།།
ཕྱག་ཟུང་ཐལ་མོ་སྦྱར་ནས།། འགྲོ་ལ་བདེ་སྐྱིད་བསྐྲུན་བྱུང་།།
གསུང་སྐད་ཚངས་པའི་དབྱངས་ལྡན།། འགག་མེད་གསུང་གི་བདུད་རྩི།།
འདུལ་བྱའི་བློ་མུན་སེལ་བའི།། དམ་ཆོས་སྒྲོན་མེ་སྤར་ཡོད།།
རྒྱལ་དབང་ཐམས་ཅད་མཁྱེན་པ།། བྱམས་དང་བརྩེ་བའི་བདག་ཉིད།།
གཞིས་བྱེས་བོད་མི་ཡོངས་ལ།། བཀའ་དྲིན་ལྷག་ཏུ་ཆེ་སོང་།།
འཚེ་མེད་ཞི་བའི་ལམ་སྟོན།། འཛམ་གླིང་མཁས་རྒུའི་གཙུག་རྒྱན།།
གངས་ཅན་སྙིང་གི་ནོར་བུ།། ༸གོང་ས་མཆོག་ཉིད་ཡིན་ནོ།
ཞལ་རས་འཛུམ་མདངས་ཤིག་ཤིག།གསུང་སྐད་རྣ་བའི་བུ་རམ།།
བྱམས་དང་བརྩེ་བའི་རང་བཞིན།། རྒྱལ་བ་ཡིད་བཞིན་ནོར་བུ།།
མཛའ་བརྩེ་ཐུགས་ཀྱི་རང་བཞིན།། འགྲོ་བའི་དོན་དུ་གཟིགས་པ།།
རྒྱལ་ཀུན་སྙིང་རྗེའི་རང་གཟུགས།། སྨག་རུམ་འོད་ཀྱིས་བསལ་བྱུང་།།
ད་ལོའི་གོ་སྟོན་རྟེན་འབྲེལ།། དད་གུས་སྤྲོ་གསུམ་ངང་ནས།།
རྩ་བའི་བླ་མ་ཁྱེད་ཀྱི།། སྐུ་ཚེ་བསྐལ་བརྒྱར་སྨོན་ནོ།།
ད་བར་དཔྱད་མཆན་མེད།