བློ་བཟང་ཡེ་ཤེས། འཛིན་གྲྭ་དགུ་པ།
ཀ་སྦུག་སཾ་བྷོ་ཊ་གཏན་སློབ།
ང་ཡི་རྩ་བའི་བླ་མ། ། ༸གོང་ས་ཡིད་བཞིན་ནོར་བུ། །
སྤྱན་རས་གཟིགས་ཀྱི་རྣམ་སྤྲུལ། ། རྒྱལ་བ་བསྟན་འཛིན་རྒྱ་མཆོ། །
ང་ཡི་རྩ་བའི་བླ་མ། ། ༸གོང་ས་༸སྐྱབས་མགོན་ཆེན་པོ། །
ཆོས་སྲིད་གཉིས་ཀྱི་དབུ་ཁྲིད། ། འཛམ་གླིང་ཞི་བདེའི་དེད་དཔོན། །
མཐའ་ཡས་སེམས་ཅན་དོན་དུ། ། ཐུགས་རྗེས་སྤྱན་ཆབ་བསིལ་བཞིན། །
རྣམ་དག་བཀའ་སློབ་གནང་སྟེ། ། མི་མང་ཞི་བདེར་བཀོད་ཡོད། །
བྱམས་དང་སྙིང་རྗེའི་བདག་ཉིད། ། ༸གོང་ས་༸སྐྱབས་མགོན་ཆེན་པོ། །
འཇིག་རྟེན་སྐྱེ་འགྲོ་ཀུན་ལ། ། ཞི་བདེའི་དཔལ་ཡོན་བསྐྲུན་བྱུང། །
༸རྒྱལ་དབང་མཆོག་གིས་གནང་བའི། ། བཀའ་སློབ་བདུད་རྩི་བཟང་པོ། །
འཇིག་རྟེན་ཀུན་ལ་ཁྱབ་ན། ། མི་ཚེའི་རིན་ཐང་རྙེད་ཐུབ། །
འཛམ་གླིང་ཞི་བདེའི་དེད་དཔོན། ། ༸གོང་ས་༸སྐྱབས་མགོན་ཆེན་པོ། །
བླ་ན་མེད་པའི་དབུ་ཁྲིད། ། མྱུར་དུ་མཇལ་བར་སྨོན་ཡོད། །
༸རྒྱལ་དབང་ཐམས་ཅད་མཁྱེན་པ། ། དགུང་ལོ་དགུ་བཅུར་ཕེབས་ཀྱང། །
ཁྱེད་ཀྱི་མཛད་པ་ཕྲིན་ལས། ། ཡར་ངོའི་ཟླ་ལྟར་འཕེལ་བ། །
ལྷ་གཅིག་ཕྱག་ན་པདྨོའི། ། འཛུམ་དང་ལྡན་པའི་ཞལ་རས། །
མཇལ་བ་ཙམ་གྱི་ཡིད་ལ། ། བདེ་བ་དཔག་མེད་སྦྱིན་པ། །
མགོན་པོ་མཆོག་གི་ཁྱེད་ཀྱི་རྩ་ཆེའི། ། བཀའ་སློབ་ཚིག་འབྲུ་རེ་རེ། །
བུ་ཆུང་ང་ཡི་རྣ་བས། ། ཇི་ཙམ་ཐོས་ཀྱང་མི་ངོམས། །
ཀུན་གྱི་གཙུག་རྒྱན་ནོར་བུ། ། འཚེ་མེད་ཞི་བདེའི་དེད་དཔོན། །
བསྟན་དང་འགྲོ་བའི་དོན་དུ། ། སྐུ་ཚེ་བསྐལ་བརྒྱར་བཞུགས་རོགས། །
ད་བར་དཔྱད་མཆན་མེད།