སེམས་ཁྲལ་མེད་པའི་སེམས་ཁྲལ། རི་བོང་གནམ་རྡིབ་པའི་སེམས་ཁྲལ། བསམ་པ་ངན་པ་མི་ལ་བྱས་ན། སྦྱོར་བ་རྩུབ་པོ་རང་ལ་འབྱུང་། གསེར་ས་འོག་ཏུ་ཡོད་ཀྱང་། འོད་ནམ་མཁར་ཁྱབ། སེར་སྣ་ཅན་ལ་གཉེན་མི་འཁོར། གཡོ་སྒྱུ་ཅན་ལ་གྲོགས་མི་འཁོར། བསམ་བློ་སྔོན་ལ་བཏང་ན་མཁས་པ་ཡིན།

ལོ་ན་རྒས་ན་རྒན་པ་མིན། ཤེས་བྱ་རྒྱས་ན་རྒན་པ་ཡིན། ལས་འཕྲོ་ཡོད་ན་ས་ཐག་རིང་ཡང་ཐུག ལས་འཕྲོ་མེད་ན་ཐུག་ཀྱང་ངོ་མི་ཤེས། ལས་ཀ་ཐམས་ཅད་ལད་མོ་ཡིན། ལད་མོའི་ནང་ནས་སུ་མཁས་ཡིན། ལས་ལ་མི་བརྩོན་ཆང་ལ་ཆགས། སང་གི་བྱ་བ་གནངས་ལ་བསྐྱལ། ལོ་གཅིག་ལོ་གཉིས་ལན་ཟླ་ཡིན།

རང་གི་རང་བཀྱགས། སྐྱག་པས་རྐུབ་བཀྱགས། རང་ཡུལ་རྒྱབ་ཏུ་བསྐྱུར། མི་ཡུལ་པང་དུ་བླངས། རང་གི་མི་དེ་རང་གི་བསྟོད། རང་གི་ལྷ་དེ་རང་གིས་གསོལ། བརླག་མཁན་ལ་སྡིག་པ་བརྒྱ། རྐུ་མཁན་ལ་སྡིག་པ་གཅིག རང་དོན་ཁོག་ཏུ་བཅུག་ནས། གཞན་དོན་སྨིན་མ་ཟིང་ཟིང་།

ཞི་མི་གཉིད་ཁུག་ཀྱང་བསམ་རྒྱུ་ཙི་ཙི་ལས་མེད། ཞབས་བྲོ་ཨེ་རྒྱག་ལྷམ་ལ་ལྟོས། སྣང་བ་ཨེ་སྐྱིད་གོས་ལ་ལྟོས། གཞན་ལ་ལྟ་བའི་མིག་ཡོད་ཀྱང་། །རང་ཉིད་བལྟ་ན་མེ་ལོང་དགོས། ། ཞིམ་པོ་བྱུང་ན་སྦོས་ནས་ཤི་ཡང་ཤི། རང་དོན་འགྲུབ་ན་ཆ་ལུགས་ཉེས་ཀྱང་ཉེས། བཟང་པོའི་ཞོར་དུ་ཇ་ཆང་དང།

ཚོགས་པ་ཚོགས་གཏམ་དཀྱིལ་ལ། གོ་བ་རང་རང་སོ་སོ། ཚུར་གནམ་གང་མ་བརྩིས་པར། ཕར་ཚེས་པ་གཅིག་བརྩི་དགོས་མེད།

མི་ལ་རྒྱུ་དགོས། རྒྱུ་ལ་བདག་པོ་དགོས། མ་ལ་མིང་པོ་མེད་པར། བུ་ལ་ཞང་པོ། མི་ངན་ཤི་རྒྱུ་མེད། ཁྱི་ངན་སྨྱོ་རྒྱུ་མེད། མི་ཚེ་རི་ལ་བསྐྱལ། རི་དྭགས་ངོ་མི་ཤེས། མིའི་རི་མོ་ནང་ལ་ཡོད། སྟག་གི་རིི་མོ་ཕྱི་ལ་ཡོད། མི་ས་འོག་ཏུ་སོང་ཡང་། གཏམ་ས་སྟེང་དུ་ལུས། མིས་མི་ཟ་མནའ་དང་། ཁྱིས་མི་ཟ་ལྕགས།