གཏམ་དཔེ་བཅུ་དྲུག

སེམས་ཁྲལ་མེད་པའི་སེམས་ཁྲལ། རི་བོང་གནམ་རྡིབ་པའི་སེམས་ཁྲལ།
བསམ་པ་ངན་པ་མི་ལ་བྱས་ན། སྦྱོར་བ་རྩུབ་པོ་རང་ལ་འབྱུང་།
གསེར་ས་འོག་ཏུ་ཡོད་ཀྱང་། འོད་ནམ་མཁར་ཁྱབ།
སེར་སྣ་ཅན་ལ་གཉེན་མི་འཁོར། གཡོ་སྒྱུ་ཅན་ལ་གྲོགས་མི་འཁོར།
བསམ་བློ་སྔོན་ལ་བཏང་ན་མཁས་པ་ཡིན། འགྱོད་པ་རྗེས་ལ་སྐྱེས་ན་གླེན་པ་ཡིན།
སེམས་བསམ་པའི་བར་སྣང་ལ་རྟ་བརྒྱུགས་ཀྱང་། དོན་དངོས་པོའི་སྤར་མཐིལ་ལ་སོ་མི་ཐེབས།
ཧམ་པ་རི་ཙམ་བཤད་ན། བདེན་པ་གཡག་ཙམ་ཐོབ།
ཨ་མའི་བུ་ལ་ཡོན་ཏན་ཡོད་ན། དགའ་ལྡན་ཁྲི་ལ་བདག་པོ་མེད།
ཨ་གསར་རྟ་ལས་མགྱོགས་པ། གཞུ་གུ་ལུག་ལས་ཐུང་བ།
ཨ་ཡོད་ནང་གི་ད་ཡོད། སྒོ་ངའི་ནང་གི་སེར་རིལ།