རྩོམ་རིག་པདྨོ་བཞད་པའི་དགའ་ཚལ།

༄༅། །བོད་མིའི་སྒྲིག་འཛུགས་ནས་ཕྱི་ལོ་ ༢༠༢༠ ལོ་འདི་བཞིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་དྲིན་རྗེས་དྲན་གྱི་ལོར་སྲུང་བརྩི་ཞུས་པ་བཞིན། ལས་རིམ་དེའི་ཆ་ཤས་སུ་ཤེས་རིག་ལས་ཁུངས་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་དྲིན་རྗེས་དྲན་སླད། རང་རེའི་སློབ་གྲྭ་ཁག་གི་དགེ་རྒན་རྣམས་ལ་ཤེས་ཡོན་དང་། ཉམས་མྱོང་བརྗེ་རེས་ཀྱི་ཆེད་བརྗོད་རྩོམ་ཡིག་འབྲི་བའི་ལས་རིམ་ཞིག་གོ་སྒྲིག་ཞུས་ཏེ། རྩོམ་ཡིག་གང་མང་འབྱོར་རེ་དང་དེ་དག་ལས་ལེགས་གྲས་སུམ་ཅུ་འདེམས་སྒྲུག་གིས་བོད་ཡིག་སློབ་སྦྱོང་དྲ་ཚིགས་སུ་འགོད་སྤེལ་ཞུ་འཆར་ཡིན་ཡང་། རྩོམ་ཡིག་གྲངས་སུམ་ཅུ་ལས་མ་འབྱོར་སྟབས། ཆ་ཚང་འདེམས་སྒྲུག་གིས་དག་ཆ་དང་ཚིག་སྦྱོར་ནོར་བ་རེ་ཟུང་བཅོས་པ་ལས་མ་རྩོམ་རང་སོར་བཞག་པ་དང་། དྲ་ངོས་སུ་འགོད་སྐབས་འབྱོར་སྔ་ཕྱི་ཡི་བང་རིམ་ལྟར་བཀོད་པ་ལས་རྩོམ་ཡིག་གི་ལེགས་ཉེས་ཀྱི་བང་རིམ་ལྟར་བསྒྲིགས་མེད་པའི་གསལ་བརྗོད་ཞུ་རྒྱུ་དང་། རྩོམ་ཡིག་གི་བརྗོད་གཞི་དང་འབྲེལ་བའི་བསམ་ཚུལ་གསུང་རྒྱུར་དགའ་བསུ་ཞུ་རྒྱུ་བཅས།

• དགེ་རྒན་གྱི་རྩོམ་ཡིག
• སློབ་མའི་རྩོམ་ཡིག
• དཔྱད་གཞིའི་རྩོམ་ཡིག
• ནང་ཆོས་དང་བསླབ་བྱ།
• སྙན་རྩོམ་དང་སྒྲུང་།